Технология жана жаратылышты пайдалануу институту

Институттун кыскача тарыхы:

Технология жана жаратылышты пайдалануу институту  Кыргызстандын түштүгүндөгү технология, экология жана геология багыттары боюнча адистерди даярдаган, Ош технологиялык университетинин негизинде түзүлгөн институттардын  бири болуп эсептелет.

1994-жылы Ош жогорку технологиялык колледжинде Химия жана технология, Жеңил өнөр жайынын технологиясы,  Кен байлыктарынын геологиясы жана  Экология жана өмүр тиричилик  коопсуздугу кафедраларынын базасында Технология факультети түзүлгөн. 1999-жылы Технология факультети инженердик-технологиялык факультети деп аталып, ага жогоруда аталган кафедралардан тышкары  Азык-заттардын технологиясы кафедрасы жана Субтропикалык  өсүмдүктөрдүн  технологиясы сектору киргизилген. Ошол эле жылы бул кафедралардын базасында Экология-геологиялык факультети уюштурулган.

2003–жылы Ош технологиялык университетинин ректорунун буйругу менен Экология-геологиялык жана Инженердик-технологиялык факультеттердин базасында Технология жана жаратылышты пайдалануу факультети түзүлгөн.

ОшТУнун ректорунун буйругу менен 2024-жылдын 26-августунда Технология жана жаратылышты пайдалануу факультети Технология жана жаратылышты пайдалануу институту болуп  өзгөртүп түзүлдү.

Институттун ишмердүүлүгү жөнүндө маалымат

Институт өзүнүн ишмердүүлүгүнүн 30 жылдан ашык тарыхында  женил өнөр жайынын технологиясы, химия жана химиялык технология,  айыл чарба продукциясын өндүрүү жана кайра иштетүү технологиясы,  экология жана айлана-чөйрөнү коргоо, техносфералык коопсуздук, өзгөчө кырдаалдарда коргоону, пайдалуу кендердин геологиясы, токой чарба жана ландшафтык курулуш жаатында 20 миңден ашык адистерди даярдап чыгарды.

Институттун негизги миссиясы – жалпы адамзаттык баалуулуктарга ээ болгон жана Кыргыз Республикасынын өнүгүшүнө натыйжалуу салым кошууга жөндөмдүү заманбап жогорку квалификациялуу адистерди даярдоо.

Биз бүтүрүүчүлөрүбүзгө жогорку деңгээлдеги кесиптик компетенцияларды жана башкаруу жөндөмдөрүн өнүктүрүүгө умтулабыз. Ишибиздин сапатын кун сайын жакшыртканга умтулабыз.

Институтту бутургөн бүтүрүчүлөрүбүз жаратылышты коргоо, экотехинспекция,  геология, токой жана суу чарбаларында, химия жана химиялык технология, тамак-аш, женил өнөр жайынын ар түрдүү өндүрүштүк тармактарында жана өнөр жай министерстволорунун ведомстволорунда иштеп келишет. Теориялык жана практикалык билимдерди оптималдуу айкалыштыруу үчүн институтта заманбап лабораториялык-аналитикалык, технологиялык, көмөкчү жабдуулар менен жабдылган интерактивдүү доскалар, атайын программалык камсыздоосу бар компьютерлер менен камсыз болгон лабораториялар, аудиториялар бар.

Институтта 3 илимдин доктору, анын ичинен Кыргыз Республикасынын Улуттук илимдер академиясынын 1 академиги, 22 илимдин кандидаты, 2 билим жана илимге эмгек сиңирген ишмер, 34төн ашык жогорку квалификациялуу окутуучулар эмгектенет.

Окуу жана окуу-усулдук иштери

Институтта күндүзгү жана сырттан (дистанттык) окуу бөлүмдөрүндө эки адистик жана сегиз бакалавриат багыты боюнча студенттерге билим берүү бюджеттик жана келишимдик негизде жүргүзүлөт. Ошондой эле  эки багыт  боюнча магистратурада, 5 адистик  боюнча аспирантура жана докторантурада, бир багыт PhD докторантурада билим алышат.

Институттун студенттеринин жалпы саны 1629 адамды түзөт, анын ичинен 332 адам күндүзгү бөлүмдө, 1422 адам сырттан окуу (дистанттык) бөлүмүндө окуйт.

2014-жылдан бери институтта төмөнкү адистиктер боюнча биология илимдеринин доктору (кандидаты) окумуштуулук  даражасын алуу үчүн диссертацияларды коргоо боюнча Д 06.23.663 диссертациялык кеңеши өз ишин алып барууда:

• 01.06.07 – өсүмдүктөрдү коргоо -Д
• 02.03.08 – экология – К
• 02.03.05 – энтомология – К
• 01.06.09 – өсүмдүк өстүрүү – К
• 06.03.02 – токой таануу, токойчулук, токой чарбасын жөнгө салуу жана токой таксациясы -К

2024-жылдан баштап 610600 Айыл чарба продукциясын өндүрүү жана кайра иштетүү технологиясы адистиги боюнча PhD докторантура адистерди даярдап келет.

Институттун илимий иштери

Институттун илимий-изилдөө иштери түзүлгөн пландардын негизинде кафедралардын бекитилген илимий темалары боюнча жүргүзүлөт жана Кыргызстандын социалдык-экономикалык өнүгүүсүнүн маанилүү маселелерин чечүүгө багытталган жана университеттин негизги  приоритеттүү илимий изилдөө иштеринин  багыттарына дал келет:

•  Кыргызстандагы жана Борбордук Азия аймактарындагы экология жана биотехнологияга байланыштуу проблемалар;
• Минералдык байлыктарды комплекстүү үйрөнүү, пайдалануу;
• Жеңил өнөр жайынын заманбап технологиясы;
• Техносфералык коопсуздук, өзгөчө кырдаалдардан коргоону.
• Айыл чарбасында химия жана химиялык технологиялар;
• Курчап турган чөйрөнү коргоо, айлана-чөйрөнү башкаруу жана биологиялык ар түрдүүлүктү сактоо маселелери;
• Геология, тоо-кен, мунай жана газды кайра иштетүү;
• Айыл чарба продукциясын кайра иштетүү технологиясы жана биотехнология;

Тарбиялык жана коомдук иштер

Институтта күндүзгү окуу бөлүмүндө 26 тайпа бар. Окуу жылынын башында ар бир тайпага староста жана куратор  бекитилет.  Кураторлор өз жумуштарын университеттеги студенттик тайпалардын кураторлору жөнүндөгү жобонун негизинде жана университеттин, институттун деңгээлинде өткөрүлүүчү иш чаралардын пландарына ылайык жүргүзүшөт. Студенттердин сабакка катышуусун, жүрүм-турум эрежелерин көзөмөлдөп, алардын ар кандай институтта жана университетте чечиле турган социалдык жагдайдагы иштерин чечүүдө атайын куратордук папка түзүп, анын ичиндеги иш пландын негизинде иш алып барышат.

Институттун  студенттерине адептүүлүк, патриоттуулук, интернационалдуулук, атуулдук тарбия берүү жана студенттердин өз алдынчалуулугун өнүктүрүү, аларды өзүн-өзү башкарууга багыттоо жана ар тараптуу активдүүлүгүн арттыруу  жумуштары жүргүзүлөт.

Институтта төмөндөгү багыттар жана адистиктер  боюнча даярдоо жүргүзүлөт:

Бакалавриат

• 610600Айыл-чарба азыктарын өндүрүү жана кайра иштетүүнүн технологиясы бакалавр
• 740100Өсүмдүктөрдөн жасалуучу азык-түлүктөрдүн  технологиясы жана өндүрүшү бакалавр
• 760300Техносфералык чөйрөнүн коопсуздугу (профили ЖТК) бакалавр
• 720100Химиялык технологиялар бакалавр
• 520800Экология жана жаратылышты пайдалануу бакалавр
• 730100Токой иши жана ландшафттык курулуш бакалавр
• 570700Костюм жана текстиль искусствосу бакалавр
• 740700Женил өнөр жай өндүрүшүнүн технологиясы бакалавр

Специалитет

• 570020 Кийимдин дизайны адистик
• 630001Колдонмо геология “Пайдалуу  кендерди геологиялык сүрөттөө, жана чалгындоо” “Нефть жана газдын  геологиясы” адистик

Магистратура

• 610600Айыл-чарба азыктарын өндүрүү жана кайра иштетүүнүн технологиясы магистр
• 520800Экология жана жаратылышты пайдалануу магистр

PhD программа  

• 610600Айыл-чарба азыктарын өндүрүү жана кайра иштетүүнүн технологиясы

Аспирантура: 

• 06.01.07 – өсүмдүктөрдү коргоо
• 03.02.08 – экология
• 03.02.05 – энтомология
• 06.01.09 – өсүмдүк өстүрүүчүлүк
• 06.03.02 – токой таануу, токойчулук, токой чарбасын жөнгө салуу жана токой таксациясы

Факультеттин курамы:

Институттун директору, биология илимдеринин кандидаты,  доцент
Тешебаева  Зулумкан  Абдыманаповна:
Байланыш телефондору (+996) 773271014
E-mail: zulumkam9@mail.ru

Окуу бөлүмү боюнча директордун орун басары
Райымкулов Ариет Айтбаевич, ага окутуучу,
Байланыш телефондору: (0771) 873434
E–mail: ariet86@mail.ru

Тарбия иштери боюнча директордун орун басары
Болбуров Бастан Мойдунбекович
Байланыш телефондору: (0772) 955042
E-mail: bolburov98@gmail.com

Методист Тешебаева Майрамкан Мамазакировна
Байланыш телефондору: (0773) 737590

Методист  Шамырбекова Элвира Шамырбековна
Байланыш телефондору: (0556) 868085
Е-mail: shamyrbekovaelvira1@mail.ru

Институттун окумуштуулар кеңеши 23 адамдан турат. 

Окумуштуулар кеңешинин төрайымы, б.и.к., доцент Тешебаева З. А., катчы, доцент Кубакова А. Э.
Илимий-изилдөө комитетинин төрагасы – т.и.к., доцент Калдыбаев Н.А.
Институттун методикалык комиссиясынын төрагасы – доц. Токтогулов Т. С.
Профсоюздук комиссиянын төрагасы –  Оморов Ж.

Институттун  курамындагы кафедралар:

• “Химия жана химиялык технология”
• «Женил өнөр жайынын технологиясы”
• “Жашоо тиричилик коопсуздугу”
• “Пайдалуу кендердин геологиясы”
• “Азык заттар жана айыл чарба азыктарынын технологиясы ”
• “Экология жана жаратылышты пайдалануу”

 Белгилүү бүтүрүүчүлөр: 

1. Алимбеков Н.К. Кыргыз Республикасынын жогорку кенешинин 5-6- чакырылышынын депутаты, ТСП-92 тайпасынын бүтүрүүчүсү.
2. Танаков Н.Т. ач.и.д.,” Азык заттардын жана айыл чарба азыктарынын технологиясы” кафедрасынын профессору ТСП-92 тайпасынын бүтүрүүчүсү.
3. Тешебаева З.А. б.и.к., “Өмүр тиричилик коопсуздугу ” кафедрасынын доценти, ООС-94 тайпасынын бүтүрүүчүсү.
4. Райымкулов А.А. “Технология жана жаратылышты пайдалануу” факультетинин окуу иштери боюнча декандын биринчи орун басары, ЗЧС-03 тайпасынын бүтүрүүчүсү.
5. Жумабаев Э.С. СБНОНОТ ”ЮГ” ага лейтенант бажы кызматы ЗЧС-03 тайпасынын бүтүрүүчүсү.
6. Бийзаев У. ААК Манас эл аралык аэропортунун Ош филиалынын коопсуздук бөлүмүнүн башчысы, ГСПМ-96 тайпасынын бүтүрүүчүсү.
7. Айткулов Т.Ж. КР ӨКМнин орук башкармалыгынын орук бөлүмүнүн башчысы, ЗЧС-02 тайпасынын бүтүрүүчүсү.
8. Абдрахманов Б.Т.КР ӨКМнин жарандык коргонуу жана өрт коопсуздук башкы башкармалыгынын калкты жана аймактарды коргоо башкармалыгынын  калкты жана аймактарды коргоо бөлүмүнүн улук офицери улук лейтенант,  ЗЧС-02 тайпасынын бүтүрүүчүсү.
9. Токоев Б.К. КР ИИМнин атайын багыттагы полкунун Ош шаарындагы №3-батальонунун 1-ротасынын командири , ЗЧС-02 тайпасынын бүтүрүүчүсү.
10. Эргешова Г.Р. КР ӨКМнин Ош облустук сел жана суу ташкындарынан коргоо бөлүмүнүн башкы адиси, ЗЧС-03 тайпасынын бүтүрүүчүсү.
11. Мамадиев Р. Ош шаарынын ички иштер башкармалыгынын кылмыш изилдөө бөлүмүнүн ага лейтенанты, ЗЧС-03 тайпасынын бүтүрүүчүсү.
12. Алманбетов У. ААК Манас эл аралык аэропортунун Ош филиалынын коопсуздук бөлүмүнүн кызматкери ЗЧС-03 тайпасынын бүтүрүүчүсү.
13. Кадыров Р. ААК Манас эл аралык аэропортунун Ош филиалынын коопсуздук бөлүмүнүн кызматкери ЗЧС-03 тайпасынын бүтүрүүчүсү.
14. Мансуров А. Ы. ОСОО комплекс ишканасынын жетекчиси, ГСПМ-03 тайпасынын бүтүрүүчүсү.
15. Тойчуев М. Иштамберди геологиялык ишканасынын башкы геологу ГСПМ-05 тайпасынын бүтүрүүчүсү.
16. Ысманалиев Р. Түштүк кыргыз геологиялык экспедициясынын Сузак партиясынын жетекчиси, ГСПМ-04 тайпасынын бүтүрүүчүсү.
17. Дуванакулов М.А. Жалал-Абад облустук Экотехинспекциясынын жетектөөчү адиси, ТПСХ-94 тайпасынын бүтүрүүчүсү.

PDF форматындагы документ
2021-2022 окуу жылы учун факультеттин иш планы