Архитектура жана курулуш институту
Архитектура жана курулуш институту Ош технологиялык университетинин негиздөөчүсү, башкача айтканда башаты болуп эсептелет.
Инженер-куруучуларды, механиктерди жана электриктерди даярдоо максатында 1963-жылы Ош шаарында Фрунзе политехникалык институтунун кечки окутуу формасындагы жалпы техникалык факультети ачылган.
1976-жылы жалпы техникалык факультет Ош кечки факультети болуп өзгөргөн. 1979-жылы окутуунун кечки формасындагы биринчи инженер-куруучу бүтүрүүчүлөр бүтүрүп чыгышкан. 1988-жылы Ош кечки факультети Фрунзе политехникалык институтунун Оштогу факультети болуп өзгөртүлгөн. 1990-жылы Фрунзе политехникалык институтунун Оштогу факультети өз алдынча жогорку окуу жай катары Ош жогорку технологиялык колледжи болуп түзүлгөн.
“Өнөр жай жана атуулдук курулуш” адистигинин күндүзгү окуу бөлүмүнө 1988-жылы, ал эми 1991-жылы сырткы окуу бөлүмүнө биринчи студенттер кабыл алынган.
Курулуш, транспорт жана энергетика багытындагы жогорку квалификациялуу адистерди даярдоо максатында 1991-жылы Инженердик факультети ачылган. 1996-жылы Курулуш багытындагы адистиктерди даярдоо максатында Инженердик-курулуш факультети болуп түзүлгөн.
Кыргыз Республикасында билим берүүнүн эки баскычтуу системасына өткөндүгүнө байланыштуу факультетте “Курулуш”, “Архитектура” жана “Архитектуралык чөйрүнүн дизайны” багыттары боюнча адистерди даярдоо максатында 2016-жылдын 29-мартында факультеттин аталышы Архитектура жана курулуш факультети болуп өзгөртүлгөн.
ОшТУнун Окумуштуулар кеңешинин чечиминин негизинде 2024-жылдын 2-июлунда ректордун №09-04/404 буйругу менен Архитектура жана курулуш факультети Архитектура жана курулуш институту болуп өзгөртүлгөн.
1979-жылдан баштап факультет 5 миңден ашуун жогорку квалификациялуу адистерди даярдап чыгарды. Бүгүнкү күндө алар Кыргызстанда, ошондой эле, жакынкы жана алыскы чет өлкөлөрдө эл чарбачылыгынын ар кайсы тармактарында үзүрлүү эмгектенишүүдө.
Институттун негизги максаттарынын (миссиясы) бири болуп профессордук-окутуучулук курамга жана студенттерге жакшы шарттарды түзүү менен бирге жогорку билим берүүнүн эң жакшы традицияларынын классикалык системасын сактоо жана билим берүүнүн эл аралык стандарттарына жооп берүүчү жогорку сапаттагы адистерди даярдоо болуп эсептелет.
Институттун ишмердүүлүгү
Архитектура жана курулуш институту башка жогорку окуу жайлар менен илимий жана окуу-методикалык жактан тыгыз байланышта. Мисалы: Кыргыз мамлекеттик техникалык университети, Кыргыз-Орус Славян университети, Москва инженердик-курулуш институту, Томск архитектуралык-курулуш университети, Кузбасс мамлекеттик техникалык университети, Фергана политехникалык институту, Наманган инженердик-курулуш институту жана башкалар.
Азыркы учурда Ош технологиялык университетинин Архитектура жана курулуш институту Кыргызстандын түштүгүндө жогорку квалификациялуу куруучуларды, архитекторлорду, дизайнерлерди, долбоорлоочуларды жана жолчуларды даярдоо боюнча жалгыз институт болуп саналат.
Института билим алып жатышкан студенттердин билимин өркүндөтүү жана жогорулатуу максатында мамлекеттик жана жеке-менчик регионалдык мекеме-ишканалар менен өз ара тыгыз байланышып келишимдер түзүлгөн. Алар: Түштүк стандартташтыруу, сертификациялоо жана метрология курулуш борбору, Ош облустук жана шаардык, архитектура жана курулуш башкармалыгы, Ошгипрострой, Ошгосархстройнадзор, Асфальт заводу, Ош шаардык жол-эксплуатациялык башкармалыгы, жерге жайгаштыруу жана кыймылсыз мүлккө укуктарды каттоо башкармалыгы жана башка жоопкерчилиги чектелген мекеме-ишканалар.
Жогоруда аталган ишканалардын жана мекемелердин өндүрүштүк базалары эки тараптуу түзүлгөн келишимдердин негизинде студенттер үчүн практикалык, лабораториялык сабактарды, окуу-өндүрүштүк практикаларды өткөрүүдө пайдаланылат.
Институт бүгүнкү күндө
Интитуттун курамындагы 4 кафедрада 55тен ашык профессордук-окутуучу курам жана окуу-көмөкчү кызматкерлер эмгектенишет.
Курулуш өндүрүшү кафедрасы (1976)
Колдонмо механика кафедрасы (1984)
Архитектура, дизайн жана графика кафедрасы (2001).
Сызма геометрия жана графикалык дизайн кафедрасы (1998).
Профессордук-окутуучулук курамдын арасында илимдин докторлору, профессорлор, илимдин кандидаттары, доценттер, КРнын билим берүүсүнө эмгек сиңирген кызматкерлер, КРнын илим жана техника боюнча мамлекеттик сыйлыктын лауреаттары, КРнын билим берүүсүнүн отличниктери, СССРдин, ошондой эле Кыргыз Республикасынын архитекторлор жана сүрөтчүлөр союзунун мүчөлөрү эмгектенишет.
Азыркы күндө институтта төмөнкү багыттар боюнча жогорку квалификациялуу адистер жана магистрлер даярдалып жатат:
750100 “Архитектура”
750200 “Архитектуралык чөйрөнүн дизайны”
750500 “Курулуш”
570400 “Дизайн”
Факультетте жалпысы болуп 1400 дөн ашык студент күндүзгү жана сырткы окуу бөлүмдөрүндө, магистратурада 100дөн магистрант билим алып жатышат.
Терең жана сапаттуу билим алуу үчүн студенттерге жана магистрлерге керектүү болгон бардык шарттар түзүлгөн (сүрөт чийүү, долбоор жасоо үчүн атайын кабинеттер, заманбап лабораториялар, компьютердик класстар, мастерскойлор ж.б.).
Бүгүнкү күндө Архитектура жана курулуш институту Кыргызстандын түштүгүндөгү “Курулуш”, “Архитектура” жана “Дизайн” багыттары боюнча жогорку квалификациялуу инженерлерди, архитекторлорду жана дизайнерлерди даярдаган жалгыз институт болуп саналат.
Дирекциянын курамы
Шабданов Муса Добулович
Кызмат орду: институттун директору
Билими: жогорку, Фрунзе политехникалык институту, 1991.
Адистиги: Инженер-куруучу
Илимий даражасы, наамы: техника илимдеринин кандидаты, доцент
Илимий эмгектери: 50дөн ашык илимий жана окуу-усулдук эмгектердин автору
Стажы: 37 жыл
Байланыш каражаттары: +996 (558)235868
E—mail: shabdanovmusa-66@mail.ru
Кошмамат уулу Калысбек
Кызмат орду: директордун окуу иштери боюнча орун басары
Билими: жогорку, Ош технологиялык университети 2008 жыл.
Адистиги: Инженер-менеджер
Илимий эмгектери: 30дан ашык илимий жана окуу-усулдук эмгектердин автору
Стажы: 17 жыл
Байланыш каражаттары: +996 (777) 007645
Email: kalysbek@mail.ru
Кыргызбаев Улукман Ысмаилович
Кызматы: директордун тарбия иштери боюнча орун басары.
Билими: жогорку, Ош технологиялык университети, 2022-ж
Адистиги: Интерьер дизайн
Эмгек стажы: 4 жыл
Илимий басылмалары: 5тен ашык илимий макалалары жана окуу-методикалык иштеп чыгуулары.
Каримжанова Гульнара Хамидовна
Кызматы: методист
Билими: жогорку, Фрунзе политехникалык институту, 1993.
Адистиги: Инженер технолог
Эмгек стажы: жалпы 18 жыл
Байланыш каражаттары: +996 (557471968)
Иманалиева Венера Артыкбаевна
Кызматы: методист
Билими: жогорку, Ош мамлекеттик университети
Адистиги: биолог, кошумча химия
Эмгек стажы: жалпы 24 жыл
Байланыш каражаттары: тел. (777) 572000
