Кафедранын миссиясы – Азыркы эмгек рыногун эске алуу менен социалдык башкаруу, эл аралык мамилелер жана бизнес чөйрөсүнө профессионалдык компетенцияларга ээ болгон чыгармачылык ой жүгүрткөн жогорку квалификациялык адистерди даярдоо.
Кафедранын тарыхы «Бизнести башкаруу жана социалдык иш» кафедрасынын булагы катары 1997-жылы «Экономикалык теория жана маркетингдин негиздери» кафедрасынын базасында ачылган «Башкаруу» кафедрасы эсептелет. Кафедра ГМУ, МНЖ, МТГС жана МАТ адистерин даярдаган кийинчерээк 2005-жылы «Мамлекеттик башкаруу жана эл аралык мамилелер» кафедрасы түзүлүп, 2007-2008-окуу жылдары эл аралык фонддон 4 гранттык негизде проект иш жүзүнө ашкан.
2016-жылы 4-октябрда Ош технологиялык университетинин ректорунун № 09-04/260 буйругунун негизинде “Бизнести башкаруу жана социалдык иш” кафедрасы түзүлүп, азыркы күнгө чейин төмөндөгүдөй адистерди даярдап келүүдө:
- 580700 “Бизнести башкаруу”
- 540200 “Социалдык иш”
- 531500 “Аймак таануу”
Азыркы убакта кафедрада 10 окутуучу бар, алардын ичинен 1 профессор, 6 илимдин кандидаты, 7 доценти, 3 ага окутуучу жана 3 окутуучу эмгектенет. Кафедранын окутуучулары өздөрүнүн квалификациясын жогорулатуу максатында атайын эл аралык, жергиликтүү курстардан жана стажировкалардан өтүп турушат.
“Бизнести башкаруу жана социалдык иш” кафедрасынын башчысы, филос. и. к., проф. Ж. А. Кедейбаева.
Материалдык жана методикалык камсыздалышы кафедрага 3 аудитория заманбап техникалык жабдуулар менен жабдылган.
Алар: Проекторлор, интерактивдик доскалар.
Кафедрага тиешелүү дисциплиналар окуу адабияттар, электрондук адабияттар, окуу-усулдук колдонмолор менен толук камсыздалган.
Кафедаранын окутуучулары сабактарды өтүүдө интерактивдик ыкмаларды, заманбап web-технологияларды кеңири пайдалануу менен өтүшөт.
Илим жана билим
Кафедрада профессордук – окутуучулук курамдын илимий иштерин уюштуруу жакшы жолго коюлган. Докторанттар, аспиранттар, илимий изилдөөчүлөр, магистранттар өздөрүнүн илимий изилдөө эмгектеринин үстүнөн иштөөдө. Кафедрада 1 докторант, 4 аспирант, 1 магистрант илимий изилдөө иштерин алып барышууда. 2019 – 2020 – окуу жылына карата “Бизнести башкаруу жана социалдык иш” кафедрасынын профессордук окутуучулук курамы тарабынан 55 илимий макалалар эл аралык, республикалык аймактык конференциялардын жыйынтыгы менен чет мамлекеттердеги РИНЦ жана Scopus ка кирген жана өлкөнүн ичиндеги илимий журналдарда жарык көрдү. Кафедранын окутуучулары илим изилдөө менен биргеликте эл аралык билим берүү багыты боюнча конкурстарга катышып, жеңүүчүлөр аталып келишет.
“ББжСИ” кафедрасына караштуу багыттардын студенттери ар кандай деңгээлдеги олимпиадаларга, семинарларга, конференцияларга катышып, алдынкы орундарды ээлеп келишет.
- СР-15 тайпасынын студенти А.Б. Жусупова “Ч. Айтматовдун – Кыргыз элинин феномени” аттуу темада өткөрүлгөн доклад жазуу боюнча сынакка мыкты катышкандыгы үчүн II даражадагы диплом менен сыйланды. Ош МУ 2018
- Аймактарды өнүктүрүү жана Ч.Т. Айтматовдун 90 жылдыгына карата “Илим техника Инновация – 2018” аттуу аймактык илимий практикалык конференциядагы мыкты илимий баяндамасы үчүн СР-15 тайпасынын студенти А.Б. Жусупова I даражадагы диплом менен сыйланды. Ош ТУ 2018
- “Аймактарды өнүктүрүү жылына жана Ч.Т. Айтматовдун 80 жылдыгына карата “Илим, Техника. Инновация – 2018”аттуу аймактык илимий практикалык конференциядагы мыкты баяндамасы үчүн II даражадагы диплом менен СР-15 тайпасынын студенти А.А. Ирисбаев сыйланды”.
- Ушул эле конференция мыкты илимий баяндамасы үчүн УБ-16 тайпасынын студенти Н. Ашимова III даражадагы диплом менен сыйланды.
- “Студент жана илимий техникалык прогресс ” аттуу I аймактык студенттик илимий конференцияда УБ-16 тайпасынын студенти Э. Акунжанов III даражадагы диплом менен сыйланды.
Кафедра ERASMUS+ добоорунун негизинде бир канча долбоорлордо иштейт. Анын негизинде студенттердин жана окутуучулардын чет өлкөдөгү окуу жайларда мобилдүүлүгү күчөгөн.
Ар кандай долбоорлордун жыйынтыгында чет өлкөгө чыгып келген студенттер (бүтүрүүчүлөр):
№ | Аты жөнү | Тайпасы | Мамлекеттин аталышы |
1 | Бакытбекова Айдай | ББ-16 | Германия |
2 | Тологон уулу Баястан | ББ-16 | Германия |
3 | Хурбаева Нургуль | СР-15 | Германия |
4 | Алибаева Элиза | ББ-16 | Испания |
5 | Досуева Сабрина | ББ-16 | Туштук Корея |
6 | Жамгырканова Алия | Регион -17 | Туштук Корея |
7 | Абылов Шергазы | Регион -17 | Польша |
8 | Абддулла кызы Шаангулго | ББ-16 | Кытай |
Бизнести башкаруу жана социалдык иш кафедрасы тарабынан пландаштырылып өткөрүлгөн иш чаралар.
1.20-сентябрь “Ишкерлер күнүнө” карата өткөрүлгөн тегерек стол,
2.Кыргыз Республикасынын Жогорку Кеңешинин депутаты, А.К. Касымалиеванын “Кыргыз Республикасындагы балдардын социалдык абалына ички жана сырткы миграциянын таасири” аттуу конок лекциясы,
3.19-октябрь социалдык кызматкерлер күнүнө карата “Азыркы коомдогу эне-бала көйгөйлөрү жана аны чечүүнүн жолдору” аттуу тегерек стол,
4“Социалдык иш” багыты боюнча иш берүүчүлөр менен окуу планын талкуулоо боюнча иш чара ,
5.“Волонтёрлор клубун түзүү” боюнча иш чара.
6.“Волонтёрлордун ишин жандандыруу” боюнча конок лекция,
7.“Жалпы адам укуктары декларациясына 70 жыл” аттуу студенттер үчүн уюштурулган чакыруу лекциясы,
8.“Адам укуктарынын тарыхы жана философиясы” деген темада студенттер үчүн уюштурулган конок лекция.
«Социалдык иш» адистигин бүтүрүүчүлөрүнүн кесиптик ишмердүүлүк чөйрөсү:
- Социалдык коргоо системасы;
- Иш менен камсыздоонун мамлекеттик кызматы;
- Медициналык – социалдык экспертизанын мамлекеттик кызматы;
- Миграциялык кызмат;
- Пенитенциардык система;
- Ишканалар, фирмалар (мамлекеттик, жеке, коомдук о.э. өнөр жай жана айыл чарбалык );
- Ритуалдык кызматтар;
- Күч структуралары, армия;
- Саламаттыкты сактоо системасы;
- Маданият системасы;
- Билим берүү системасы;
- Пенсиялык камсыздоо системасы;
- Социалдык тейлөө системасы;
- Социалдык камсыздоо системасы;
«Бизнести башкаруу» адистигин бүтүрүүчүлөрүнүн кесиптик ишмердүүлүк чөйрөсү:
«Бизнести башкаруу» багытындагы бакалавр билим алуу мүмкүнчүлүгү менен бирге бүгүнкү бизнес ишмердүүлүгүнө эң керектүү болгон өз алдынча жана жоопкерчиликтүү чечимдерди кабыл алган адистер.
«Бизнести башкаруу» бакалавриат программасынын бүтүрүүчүлөрү башкаруу ишмердүүлүгүндө жана экономикалык багыттагы бизнес компанияларда, бизнес уюмдардагы адам ресурстарын башкарууда иштөөгө мүмкүнчүлүгү бар.
Эгерде сиз коммуникабелдүү, командада иштей алсаңыз, жаны идеялардын ээси болсоңуз, адамдарды артыңыздан ээрчитүү жөндөмдүүлүгүңүз болсо – сиз келечектеги башкаруучусуз!!!
«Башкаруу – демек бул адамдарды эмгекке үндөө»
«Аймак таануу» адистигин бүтүрүүчүлөрүнүн кесиптик ишмердүүлүк чөйрөсү:
Маалыматтык коммуникациялык (башкача айтканда котормочулук аналитикалык жана кеңеш берүүчү) жеке ишканаларда, уюмдарда кызмат көрсөтө алат:
- Чет өлкөлөр жана аймактар менен тышкы экономикалык байланыштарды камсыздоодо уюмдук коммуникациялык ишмердүүлүк.
- Чет тилдерди пайдалануу менен өз ара гуманитардык, маданий – агартуучулук ишмердүүлүктү ишке ашырат.
Аймак таануу багытында окуган студенттер тил боюнча чет өлкөлөргө тажрыйба алмашууга чыгып келүү мүмкүнчүлүгүнө ээ: (Кытай, Корея, Германия ж.б.) Окуу практикаларын: Конфуций институтунда, Корея борборунда, DAAD ж.б. өткөрүү үчүн шарттар түзүлгөн.
Чыгыш жана Батыш өлкөлөрдүн тилин жана маданиятын үйрөнүү – ийгиликтүү коммуникациянын стратегиясы.
Социалдык кызматтын эффективдүүлүгү жогору болсо – анда мамлекеттин баркы жогору !!!