Ош технологиялык университетинин технология жана жаратылышты пайдалануу факультетинин ИКТ-1-22 тайпасынын студенти Мундузбек кызы Нагима Ош мамлекеттик педагогикалык университетинде өткөрүлгөн “Нарктуу үй-бүлөлүк педагогика” аттуу аймактык илимий-теориялык конференцияда коомдук илимдер кафедрасынын доценти, тарых илимдеринин кандидаты, доцент Абдыразакова Зарипа Матисаковнанын жетектөөсүндө баяндама жасап, I даражадагы дипломго ээ болду.
Аталган конференцияга ОшМПУ, БатМУ, КӨЭАУ, ОшТУ, ОшМУ, Өзгөн технологиялык жана билим берүү институтунун окутуучулары жана студенттери катышты.
Студентибиздин окууларына ийгиликтерди каалап, илимий-изилдөө иштерин үзгүлтүксүз улантууларына тилектешпиз.
