2025-жылдын 4–7-декабрь күндөрү Түркиянын Анталия шаарында инженердик жана табият багытындагы V Эл аралык илимий конгресс өткөрүлдү. Иш-чара Türk Eğitim-Sen жана UAESEB тарабынан уюштурулуп, көрүнүктүү окумуштуу профессор Окнай Синаноглуунун юбилейлик даталарына арналды.
Конгресске дүйнөнүн ар кайсы өлкөлөрүнөн окумуштуулар, илимий кызматкерлер жана жогорку окуу жайларынын өкүлдөрү катышып, жалпысы 460тан ашуун баяндамалар сунушталды.
Бул ири иш-чарага Ош технологиялык университетинин атынан Кесиптик бирликтин төрайымы Тиленбаева Багдагүл Эргешовна катышып, илимий доклад жасады. Ошондой эле конгресс катышуучуларына Ош ТУнун ишмердүүлүгүн, жетишкендиктерин жана эл аралык байланышын чагылдырган видеоролик көрсөтүлдү.
Конгресс илимий кызматташтыкты чыңдаган, жаңы идеялар менен тажрыйба алмашууга мүмкүнчүлүк түзгөн маанилүү аянтча болду.
Уюштуруучулар кийинки VI Эл аралык конгресс 2026-жылы Кыргызстанда өтөрүн маалымдашты. Бул Кыргызстан үчүн эле эмес, Ош ТУ үчүн дагы чоң ишеним жана эл аралык таанылуунун белгиси болуп саналат.
