4-декабрь – “Манас” эпосунун күнүнө карата Ош технологиялык университетинде ““Манас” эпосу жана технологиялар доору” аттуу кереге кеңеш өттү. Иш-чараны Мамлекеттик жана дүйнөлүк тилдер кафедрасы уюштурду.
Иш-чараны ОшТУнун окуу иштери боюнча проректору т.и.к., профессор У.Ж. Мамытов ачып берди. Ал “Манас” эпосунун улуттук руханий дөөлөт катары маанисин белгилеп, иш-чаранын маңызын атап өттү. Андан соң мамлекеттик тил боюнча проректор, п.и.д., профессор А.З. Зулпуев сөз сүйлөп, “Манас” эпосунун бүгүнкү күндөгү орду жана иш-чаранын маанилүүлүгү тууралуу өз пикирин билдирип, катышуучуларды майрамдык күн менен куттуктады.
Иш-чаранын алкагында төмөнкү пленардык баяндамалар жасалды:
“Манас” эпосун интеграциялап окутуунун технологиясы”Баяндамчы: п.и.к., доцент Мадумарова Малоҳат Косимовна.
“Манас таануу” курсун окутууда этнопедагогикалык, этномаданий компетенттүүлүктөрдү IT долбоорлор аркылуу калыптандыруу”Баяндамчы: п.и.к., доцент Н. Тахирова.
“Улуттук колдо сактоо: ‘Манас’ эпосундагы улуттук дөөлөттөрдү жасалма интеллекттин негизинде окутуу аркылуу маданий иденттүүлүктү калыптандыруу”Баяндамчы: п.и.к. Т. Айбашова.
Жыйындын жүрүшүндө катышуучулар үчүн музыкалык номерлер тартууланып, андан соң “Технологиялар ‘Манас’ эпосунун келечегин кантип аныктайт?” деген темада панелдик талкуу уюштурулду. Панелде санарип доорунда улуттук эпосту окутуунун жаңы моделдери, инновациялык ыкмалар жана маалыматтык технологиялардын ролу талкууланды.
Иш-чаранын соңунда “Манас таануу” предметин окутуу боюнча сунуштар иштелип чыгып, жыйынтык резолюция кабыл алынды.
Кереге кеңеш концерттик программа менен жыйынтыкталды.
