Ош технологиялык университетинде Экономика жана башкаруу институтунун “Менеджмент, логистика жана туризм” кафедрасы тарабынан Логистика багытынын студенттери үчүн GIZ долбоорунун колдоосу менен “Business on the Move” аттуу инновациялык бизнес оюндун бет ачары болуп өттү.
Бул иш-чара заманбап билим берүү ыкмаларын студенттердин практикалык көндүмдөрү менен айкалыштыруудагы маанилүү кадам болуп саналат. “Менеджмент, логистика жана туризм” кафедрасы ар дайым студенттерине актуалдуу жана сапаттуу билим берүүгө умтулуп келет. Иш-чаранын негизги максаты — студенттердин теориялык билимдерин практикалык көндүмдөр менен бекемдөө, рынок талаптарына жооп берген адистерди даярдоого өбөлгө түзүү болду.
GIZ долбоорунун колдоосу билим берүүнүн сапатын жогорулатууга жана студенттердин кесиптик өнүгүүсүнө жаңы мүмкүнчүлүктөрдү ачууга чоң салым кошту.
“Business on the Move” – бул логистикалык компанияны башкаруунун татаалдыктарын реалдуу шартта чагылдырган уникалдуу симуляциялык оюн. Анын жүрүшүндө студенттер стратегиялык чечим кабыл алууга, ресурстарды туура бөлүштүрүүгө, жеткирүү чынжырын оптималдаштырууга жана атаандаштыкка жөндөмдүүлүктөрүн өнүктүрүүгө үйрөнүшөт.
Бул демилге студенттер үчүн билим менен практиканын айкалышкан жаңы форматын сунуштап, келечектеги логистика адистеринин кесиптик потенциалын арттырууга багытталган.
