2025-жылдын 2-октябрында Ош технологиялык университетинде Ишкердүүлүк күнүнө карата “Бизнестеги инновациялар жана стартаптарды өнүктүрүү” деген темада тегерек стол болуп өттү.
Иш-чараны ОшТУнун ректору, профессор Турсунбаев Жанболот Жанышович ачып берип, ишкердик жана инновация багытындагы аракеттердин маанилүүлүгүнө токтолуп өттү.
Бизнести башкаруу жана социалдык иш кафедра башчысы, профессор Кедейбаева Ж.А. иш-чаранын максаты тууралуу айтып берип, студенттерди бизнес секторуна тартуу, теорияны практикада колдонуу жана аларды иш менен камсыз кылуу аркылуу ишкердик көндүмдөрүн өнүктүрүү зарылдыгын баса белгиледи.
Ошондой эле иш-чарада ОшТУнун окуу иштери боюнча проректору Мамытов Улукбек Жанышович, илим жана инновация боюнча проректору Танаков Нурлан Токтогулович да сөз сүйлөшүп, билим берүү менен бизнес чөйрөсүнүн тыгыз кызматташтыгы жөнүндө ой бөлүшүштү.
Тегерек столго төмөнкү коноктор жана өкүлдөр катышты:
• Кыргыз Республикасынын Министрлер Кабинетинин алдындагы Бизнес өнүктүрүү жана инвестиция боюнча кеңешмени жетекчиси — Осмонаалиев Мыктыбек Осмонович
• Ош облусунун аймактык инвестициялык кеңешинин башчысы — Азимов Таалайбек
• Ош шаарынын мэриясынын экономика, финансы жана санариптештирүү бөлүмүнүн жетектоочу адиси — Шамшиева Умида Абдугапаровна
• Ош Бизнес Ассоциациясынын окутуучусу — Абдисаламова Айзирек
• Ош шаарынын жаштар кеңешинин төрайымы, “Седеп” долбоорунун координатору — Суюнкунова Химия Семетевна
• “Тамир горизонт” компаниясынын жетекчиси — Апандиева Гульнара Ахматбековна
• “Ош принт” компаниясынын жетекчиси — Карабеков Маратбек Жамалбекович
• “Оймо” ательесинин жетекчиси — Сатыбалдиева Айнура Сатыбалдиевна
• “N’Bee studio” дизайн жана интерьер студиясынын жетекчиси — Кенжебаева Бактыгүл Пайзуллаевна
• ОшТУнун инновациялык илимий-технологиялык борборунун директору — Ысламов Мухаммадсалык Махаматражабович
• ENACTUS ОшТУ жана ENACTUS КУМУ командасынын мүчөлөрү
• Окутуучулар жана студенттер
Иш-чаранын жүрүшүндө ар кандай ишкердик субъекттер, билим берүү мекемелери жана мамлекеттик органдардын өкүлдөрү өз ара тажрыйба алмашып, студенттердин катышуусу менен стартаптар жана инновациялык идеяларды ишке ашыруу маселелери кеңири талкууланды.
Жыйынтыгында тегерек столдун темасы боюнча резолюция кабыл алынып, иш-чара фотосессия менен жыйынтыкталды.
