Ош технологиялык университетине Кытай Эл Республикасынын Шандунь провинциясынан делегация келип, аларды ОшТУнун сырткы байланыштар жана өнүктүрүү боюнча проректору Асанбек Акматалиев жетектеген курам тосуп алды.
Жолугушуу учурунда университеттин ишмердүүлүгү тууралуу маалымат берилип, ал компания менен эки тараптуу кызматташуу мүмкүнчүлүктөрү талкууланды. Делегация мүчөлөрү геологиялык багыттагы илимий долбоорлорду ишке ашыруу, тажрыйба алмашуу, стажировкаларды уюштуруу жана илимпоздордун ортосундагы кызматташтыкты кеңейтүү маселелерине кызыгуусун билдиришти.
Белгилей кетсек, ОшТУ Кытайдын Шандунь провинциясындагы бир катар жогорку окуу жайлары жана уюмдары менен активдүү кызматташып келет. Атап айтканда, Шандунь айыл чарба жана инженердик университети, Шандунь педагогикалык университети менен илимий-изилдөө иштерин жүргүзүп, адам ресурстарын өнүктүрүүгө багытталган (бакалавр, магистратура, доктарантура/PhD, аспирантура боюнча) өнөктөштүк орнотулган. ОшТУда кытайлык жарандар докторантурада билим алып, тажрыйба алмашып жатышат. Мындан сырткары, Ляочен администрациясы жана бир катар мамлекеттик компаниялар менен адистерди даярдоо, магистр жана докторанттарды окутуу жаатында байланыш түзүлгөн.
Аталган делегациянын курамы: Shandong Shanzuo Holding Group Co., Ltd компаниясынын президенти Лижуан Ши жана вице-президенти Шахрезат Айрет, жардамчысы Чжэнжун Ши, долбоордун башкы менеджери Жунчэн Ши, геолог эксперттер – Сянчен Ши, Хуайжи Шао, Липин Чи, энергетика тармагы боюнча Shanzuo Energy компаниясынын башкы директору Хончан Сиу.
