Ош технологиялык университетинин “ОшТУ жаштары” демилгелүү тобунун мүчөлөрү “IDem” долбоорунун алкагында өз демилгелерин ийгиликтүү коргоп, 2 000 долларлык грантка ээ болушту! Бул чоң жетишкендик – жаштардын тынчтыкты курууга, психикалык саламаттыкты сактоого жана зомбулуктун алдын алууга кошкон салымынын таасирдүү жыйынтыгы болуп саналат.
Грантты утуп алган команда мүчөлөрү:
Арзыбаев Абдимажит Турдумаматова Бермет Жапаров Актан Кадырбеков Уран Калмурзаева Айжан Рашидинов Залкар
Гранттын алкагында бүгүн ОшТУ базасында форум өтүп, жаштардын тынчтыкты курууга активдүү катышуусу, психологиялык ден-соолугу жана гендердик зомбулуктун алдын алуу маселелери көтөрүлдү.Иш-чарага төмөнкү кадырлуу коноктор катышты:
Жеке ишкер, “Самса Ленд” негиздөөчүсү – Абдрахманов Чынгыз “Youth of Osh” уюмунун өкүлдөрү Ош шаардык жаштар комитети жана Ош облустук администрациясынын өкүлдөрү
Форумга ОшТУдан 20 студент, ал эми башка окуу жайлардан 10дон студент катышты.
Бул ийгилик – ОшТУнун жаштарынын демилгелүүлүгүн, жигердүүлүгүн жана коомдук процесстерге активдүү катышуусун дагы бир ирет далилдеди.
