Ош шаарында Enactus Кыргызстан уюмунун 30 жылдык мааракесине арналган EXPO Жаштар Стартаптар 2025 аттуу республикалык деңгээлдеги ири иш-чара болуп өттү. Ага өлкө боюнча жети облусунан келген 30дан ашуун студенттик командалар катышып, коомдук пайдалуулукка жана туруктуу өнүгүүгө багытталган долбоорлорун сунушташты.
Enactus ОшТУ командасы бул иш-чарада өзүнүн активдүүлүгү, демилгелери жана инновациялык көз карашы менен айырмаланып, жогорку баага ээ болду.
Иш-чаранын жыйынтыгында Enactus ОшТУ командасы «ЖОЖдун эң мыкты колдоосу» наамы менен сыйланды.Бул сыйлык — Ош технологиялык университетинин жетекчилигинин, профессордук-окутуучулук курамынын жана студенттеринин биргелешкен эмгегинин жемиши.
Бул — ОшТУнун дагы бир чоң жетишкендиги!Биз мындан ары да жаштарды колдоону, алардын демилгелерин өнүктүрүүнү уланта беребиз!
