Ош технологиялык университетинин “Картография жана геоинформатика” багыты боюнча 2-курстун докторанттары Бекташова Роза Абдакимовна жана Убайдулла уулу Бектур учурда Россиянын Кубан мамлекеттик университетинде стажировкадан өтүп жатышат.
Бул илимий-изилдөө иш-чара 2025-жылдын 12-майынан 12-июнуна чейинки мезгилде академиялык мобилдүүлүк алкагында уюштурулуп, ОшТУ менен Кубан мамлекеттик университетинин (КубМУ) ортосунда түзүлгөн кызматташтык келишиминин негизинде ишке ашууда.
Стажировка КубМУнун белгилүү окумуштуусу, география илимдеринин доктору, профессор А.В. Погореловдун жетекчилигинде өтүп, докторанттар заманбап геоинформатика жана картография жаатындагы тажрыйбаларды үйрөнүп, эл аралык илимий чөйрөдө практикалык көндүмдөрүн өркүндөтүүгө мүмкүнчүлүк алышууда.
Бул тажрыйба жаш окумуштуулардын илимий потенциалын жогорулатууга, ошондой эле ОшТУнун эл аралык байланыштарын кеңейтүүгө чоң салым кошот.
