Ош технологиялык университетинде “Биз-XXI кылымдын интеллектуалдары” Эл аралык жаштар форумунун Ош областтык сынак туру өткөрүлдү.
Сынакка райондордон жеңүүчү деп табылган окуучулар жетекчи мугалимдери менен келип катышышты. Форумга КР Президентинин Ош облусундагы ыйгарым укуктуу өкүлүнүн орун басары Т.К. Арстанкулов, Облустук балдар чыгармачылык борборунун директору Р.Н. Назаров, ОшТУнун Илим жана инновация боюнча проректору Н.Т.Танаков жана Ош билим беруу институтунун өкүлдөрү да катышты.
ОшТУнун Илим жана инновация боюнча проректору Н.Т.Танаков форумдун ачылышы менен куттуктап, инженердик-техникалык багыттагы окуучулардын эмгектерине ийгиликтерди каалады.
Сынакка коюлган эмгектерди калыс баалоо иши ОБЧБ кызматкерлери менен ОшТУнун профессордук-окутуучулук курамынан биргелешип түзүлгөн компетенттүү топ тарабынан жүргүзүлдү. Жыйынтыгында жеңүүчү аталган окуучулар ОшТУнун диплом, ыраазычылык каттарына жана баалуу белектерине ээ болушту. Байгелүү орунга ээ болгон окуучулар Эл аралык форумда облус намысын коргошот.
Сынак 6 номинацияда уюштурулууда.
- Жаңы теориялык иштеп чыгуулар жана моделдер
- Приборлор, радиожабдулар жана телекоммуникациялык системалар
- Энергия жана энергия сарамжалдоочу технологиялар
- Маалыматтык технологиялар жана программалоо
- Робототехника жана авиоматташтырылган технологиялар
- Дубалга илинүүчү моделдер боюнча сынак
Иш-чара Кыргыз Республикасынын Билим берүү жана илим министрлиги, “Алтын түйүн” Улуттук балдардын инженердик-техникалык Академиясы тарабынан уюштурулду.
