Эки тараптуу эл аралык кызматташуу келишимдердин алкагында Андижан мамлекеттик техникалык университетинин жалпы техникалык дисциплиналар кафедрасынын 5 адамдан турган профессордук-окутуучу курамы ОшТУнун архитектура жана курулуш институтунун курулуш багытында билим алып жаткан студенттерине теоретикалык механика жана материалдардын каршылыгы сабактарынан лекция окушту.
Эскерте кетсек, кошуна өлкөдөн келген окутуучулар квалификациясын жогорулатуу максатында келишкен. Алар транспорт логистикасы, курулуш инженериясы, механика, экономика, архитектура, педагогика багыттары боюнча 144 академиялык сааттык квалификацияны жогорулатуучу курстан өтүшөт.
