Ош технологиялык университетинин экономика жана башкаруу институтунун менеджмент, логистика жана туризм кафедрасынын логистика багытындагы билим алып жаткан студенттери И. Раззаков атындагы Кыргыз мамлекеттик техникалык университетинин Эл аралык логистика жогорку мектеби тарабынан өткөрүлгөн ЖОЖдор аралык студенттик Олимпиадада 3- орунду ээлешти.
Олимпиада изденген жана таланттуу студенттерге зарыл шарттарды түзүү, колдоо көрсөтүү, ошондой эле ишкердик, башкаруучулук жана административдик ишмердүүлүк үчүн кадрдык потенциалды калыптандыруудагы ЖОЖдордун ролун күчөтүү максатында уюштурулган. Студенттерди олимпиадага кафедранын окутуучусу Тарыкчиев З.М. даярдаган.
Студенттерге И.Раззаков атындагы Кыргыз мамлекеттик техникалык университетинин Эл аралык логистика жогорку мектебинен белекке 200 даана Логистика китебин (профессор А.С.Уметалиев) алып келишти.
