Ош технологиялык университети менен Өзбекстан Республикасынын Фергана шаарындагы Фергана политехникалык институтунунун ортосунда билим берүү жана илим тармагында кызматташуу туурасында эл аралык кызматташуу келишимине кол коюлган. Ал келишимдин алкагында Ош технологиялык университетинин архитектура жана курулуш институтунун студенттери Фергана политехникалык институтунда академиялык мобилдүүлүк программасы боюнча окуп, тажрыйба алмашып жатышат.
Белгилей кетсек, Ош технологиялык университети бир топ жылдардан бери академиялык мобилдүүлүк программасы боюнча дүйнөнүн бир канча мамлекеттери менен кызматташып келет. Ал өлкөлөрдүн арасынан Өзбекстан Республикасынын жогорку окуу жайлары менен илим жана билим берүү жаатында тыгыз байланышта иш алып барууда.
Бул академиялык мобилдүүлүк программасы ОшТУнун архитектура жана курулуш институтунун демилгеси менен ишке ашып жатат.
