Ош технологиялык университетинде “Сежоң Хагдан” корей борбору 2025-жылдын жазгы семестрине жаңы студенттерди, окуучуларды кабыл алды. Борбордо башталгыч корей тил курсуна жазылуу аякталып, жазгы семестрдин ачылыш аземи өткөрүлдү. Аталган курска Ош шаарынын мектептеринен жана жогорку окуу жайларынан жалпысынан 190 студент жана окуучу катталып, 100 адам тандалып, 2-тандоодогу англис тилинен башталгыч деңгээл боюнча тесттин жыйынтыгында жалпы 75 студент корей тил курсуна кабыл алынды. Башталгыч жана улантуучу тайпалар болуп жалпы 276 студент (окуучу) жазгы семестрге катталышты.
Иш-чарага окуу жайдын сырткы байланыштар боюнча проректору А.Т. Акматалиев, борбордун окутуучулары жана студенттери катышты.
Ачылыш аземи концерттик программа менен коштолуп, корей элинин улуттук ыр-бийлери жаңырды.
Эскерте кетсек, Ош технологиялык университетинде 2008-жылы корей борбору ачылып, бүгүнкү күндө корей улутундагы кызматкерлер эмгектенип, студенттерге тил үйрөтүп келүүдө.
