Ош технологиялык университетинин делегациясы 29-30 – ноябрда кошуна Өзбекстан Республикасындагы Андижан айыл чарба жана агротехнологиялар институтунун 60 жылдык мааракесине жана “Азык-түлүк коопсуздугун камсыз кылууда агрардык сектордун көйгөйлөрү жана аны чечүү жолдору” аттуу эл аралык конференцияга катышышты.Жогорку деңгээлде уюштурулган конференцияда ОшТУнун окумуштуулары илимий жетишкендиктери жана тажрыйбалалары менен бөлүшүп, илимдин актуалдуу көйгөйлөрү жана аларды чечүү жолдору боюнча баалуу ой-пикирлерин айтышып, көйгөйлөрдү чечүү жолдорун талдоого алышты.Конференцияга Өзбекстандан сырткары, Казакстан, Кыргызстан, Россия, Индия, Түркия, ж.б өлкөлөрдөгү жогорку окуу жайлардан, илимий жана өндүрүштүк мекемелерден коноктор катышты. Коноктор каалоо-тилектерин айтышып, диалогду мындан ары да бекемдеп, жаңы билимдер менен алмашуу зарылдыгын баса белгилешти. Бул иш-чарада ОшТУнун делегациясы катышуучулар менен жылуу баарлашып, илим, билим жана маданият тармагындагы кызматташтыкты мындан ары да өнүктүрүүгө даяр экендиктерин билдиришти.Маалымат үчүн, Андижан айыл чарба жана агротехнологиялар институту 1964-жылы ачылган. Учурда, ал институтта 5 факультет, 20 бөлүм бар, жалпысынан 8574 студент 37 багыт жана 27 адистик боюнча билим алууда.
