Ош технологиялык университетинин маалымат технологиялары жана башкаруу, информатика, байланыш тармактары жана телекоммуникация системалары, информатика программалоо жана байланыш кафедраларынын окутуучулары эл аралык илимий-практикалык конференцияга жана студенттердин академиялык мобилдүүлүгү боюнча Өзбекстан Республикасынын Мухаммед-аль-Хорезми атындагы Ташкент маалымат технологиялар университетинин Фергана филиалында болушту.
Илимий-практикалык конференцияда бир катар маанилүү маселелер талкууланып, пайдалуу маалыматтар берилди.
Ташкент мамлекеттик технологиялар университетинин Фергана филиалынын ректору Мухтаров Фаррух Мухаммадович Ош технологиялык университетинин ф.-м.и.д. профессор Сатыбаев Абдыганы Джунусовичке эл аралык илимий багыттагы байланышты күчөтүүгө кошкон салымы үчүн университеттин Ардактуу профессору сыйлыгын ыйгарды.
