Ош технологиялык университети Ош шаарында жайгашкан Кыргызстандагы эң ири “Кыргыз Текстиль ЛТД” фабрикасы менен түзүлгөн келишимдин алкагында кызматташтыгын улантат.
Бүгүн бул максатта эки мекеменин өкүлдөрү мындан ары аталган фабриканын базасында “Тигилүүчү буюмдардын технологиясы”, “Кийимдин дизайны”, “Костюм жана текстиль искусствосу” багыттары боюнча илимий-изилдөө иштерин жана окуу процесстерин жүргүзүү, практикалык-лабороториялык жумуштарды жасоо боюнча макулдашылды.
Эки тараптуу түзүлгөн келишимге ылайык мындан ары Ош технологиялык университети даярдап жаткан адистер бул фабрикада окууну аяктагандан кийин жумуш орду менен камсыз боло алышат. Кыргызстандагы эң ири текстиль өндүрүшүнүн ишке кириши менен биздин мамлекетибиздеги бул тармактын орду КМШ мамлекеттеринин арасында жогорку орунду ээлейт.
