Ош технологиялык университети менен Азербайджан технологиялык университетинин ортосунда кызматташуу боюнча онлайн абалда жолугушуу болуп өттү.
Эки тараптуу өнөктөштүктү өнүктүрүү, алдыдагы кызматташуунун стратегияларын биргеликте иштеп чыгуу, профессордук – окутуучулар курамы арасында тажрыйба алмашууларды колго алуу, академиялык мобилдүүлүктөрдү ишке ашыруу, биргелешкен эл аралык илимий журнал ачуу, илим-билим жаатындагы байланыштарды өнүктүрүү туурасында маселелер талкууланып, тыгыз кызматташууга токтолушту.
Жолугушууга ОшТУнун сырткы байланыштар жана өнүгүү боюнча проректору, доцент А.Т.Акматалиев, технология жана жаратылышты пайдалануу факультетинин деканынын милдетин аткаруучу, доцент З.Тешебаева, эл аралык байланыштар бөлүмүнүн башкы адиси Т.Абдирасул кызы, Азербайджан технологиялык университетинин проректору М.Гулалиев жана эл аралык байланыштар бөлүмүнүн өкүлдөрү – Р.Халилова, Н.Исмаилзаде катышты.
Иш чара ОшТУнун демилгеси менен уюштурулду.
