Мамлекеттик тил боюнча проректору

ЗУЛПУЕВ АШИМ ЗУЛПУЕВИЧ
Ош технологиялык университетинин мамлекеттик тил боюнча проректору

Туулган жылы, күнү:  01.10. 1961-жыл;
Билими, окумуштуулук даражасы жана наамы:

• 1987-жылы Ош педагогикалык институтунун кыргыз тили жана адабияты багытын бүтүргөн;
• 1998-жылы Ош мамлекеттик университетинин юриспруденция багытын аяктаган;
• Педагогика илимдеринин доктору, Ош технологиялык университетинин профессору.

Эмгек ишмердүүлүгү:

• 1987-1990-жж. — Ош шаарындагы В. Маяковский атындагы орто мектепте кыргыз тили жана адабияты мугалими;
• 1990-1992-жж. — Ош шаарындагы Ю. Гагарин атындагы мектеп-гимназияда кыргыз тили жана адабияты мугалими, окуу иштери боюнча директордун орун басары;
• 1992-1999-жж. — Ош шаарындагы Кыргыз-Өзбек Эл аралык университетинде кыргыз тили жана адабияты мугалими;
• 1999-2000-жж. — Ош технологиялык университетинин юридика факультетинде декандын жардамчысы;
• 2000-2003-жж. — Ош технологиялык университетинин ректорунун жардамчысы;
• 2003-2004-жж. — Ош технологиялык университетинин эл аралык мамилелер факультетинин деканы;
• 2004-2022-жж. — Ош технологиялык университетинин кадрларды кайра даярдоо жана квалификациясын жогорулатуу институтунун (ИПК) директору;
• 2022-жылдын 27-сентябрынан тартып — Ош технологиялык университетинин мамлекеттик тил боюнча проректору.

Жалпы иш стажы: 39 жыл

Илимий-методикалык ишмердүүлүгү:
65 илимий макаланын, 3 усулдук колдонмонун жана 2 монографиянын автору.
Мындан тышкары, Scopus базасында – 2, РИНЦ базасында – 11 макала жарыяланган.

Наукометрия базаларындагы катталуусу:

• ORCID: https://orcid.org/0009-0000-6474-73-04
• SPIN-код 8665-6644

Сыйлыктары:

• Кыргыз Республикасынын Билим жана маданият министрлигинин Ардак грамотасы (1994);
• Ош шаарынын мэриясынын Ыраазычылык баракчасы (2003);
• КРдин Билим берүүнүн мыктысы Ардак грамотасы (2004);
• Ош технологиялык университетинин Ардак грамотасы (2005);
• Ош облусунун мамлекеттик администрациясынын Ардак грамотасы (2005);
• “Билим берүүнүн мыктысы” төш белгиси (2005);
• “ОшТУнун 60 жылдыгына” карата төш белгиси (2024);
• Ош шаарынын мэриясынын Ардак грамотасы (2025).

Байланыш маалыматы:
📧E-mail:zulpuevashim@mail.ru
📞 Тел.: +996 772 22 40 93

Максутова Гульбарчын Алижановна – мамлекеттик тил бөлүмүнүн башкы адиси, ОшТУнун аспиранты.

Туулган жери, жылы, күнү: 26.02.1981-жыл,  Ош шаары, Бирлешкен  айылы;
Билими: жогорку, 1998-2003-жылдары ОшМУнун кыргыз филологиясы факультетинин “Кыргыз тили, адабияты жана кошумча англис тили мугалими” адистигин бүтүргөн.

Байланыш үчүн телефон: +996 555812602,
e-mail: gulbarcyn.2602@gmail.com

ОШ ТЕХНОЛОГИЯЛЫК УНИВЕРСИТЕТИНИН МАМЛЕКЕТТИК ТИЛ БӨЛҮМҮНҮН МАКСАТ-МИЛДЕТТЕРИ
Ош технологиялык университетинин мамлекеттик тил бөлүмү окуу жайдын билим берүү, илим жана административдик ишмердүүлүгүндө мамлекеттик тилди өнүктүрүүнү жана колдонуу маданиятын жогорулатууну негизги максат катары белгилейт. Бөлүм мамлекеттик тилдин колдонуу чөйрөсүн кеңейтүүгө, кыргыз тилинин билим берүү системасындагы статусун бекемдөөгө багытталган иш-аракеттерди жүргүзөт.

БӨЛҮМДҮН НЕГИЗГИ МАКСАТТАРЫ

1. Кыргыз тилинин — мамлекеттик тилдин университеттеги бардык багыттарда толук кандуу колдонулушун камсыз кылуу.
2. Окуу процессинде, илимий иштерде жана күнүмдүк документацияда мамлекеттик тилди активдүү пайдаланууну кеңейтүү.
3. Окутуучу-профессор, кызматкерлердин жана студенттердин тил маданиятын жогорулатуу жана кыргыз тилинде компетенттүүлүгүн өнүктүрүү.
4. Мамлекеттик тил боюнча усулдук жана практикалык материалдарды иштеп чыгуу жана жайылтуу.
5. Илимий-изилдөө иштерин мамлекеттик тилде жүргүзүүгө шарт түзүү.
6. Университеттин бардык административдик документтеринин мамлекеттик тилде жүрүшүн камсыздоого көмөктөшүү.
7. Студенттерге жана кызматкерлерге кыргыз тили боюнча усулдук жардам көрсөтүү, тренингдерди, тегерек стол, семинарларды өткөрүү.
8. Мамлекеттик тилдин коомдук баалуулугун жана статусун жогорулатуу үчүн маалыматтык-агартуу иштерин жүргүзүү.

БӨЛҮМДҮН НЕГИЗГИ МИЛДЕТТЕРИ

• Кыргыз тили боюнча окуу программаларын жана кошумча курстарды уюштуруу.
• Кыргыз тилиндеги документ жүргүзүү стандарттарын иштеп чыгуу жана практикага киргизүү.
• Университеттин бардык түзүмдөрүндө мамлекеттик тилдин эрежелерин сактоо боюнча мониторинг жүргүзүү.
• Илимий, расмий жана коомчулукка багытталган тексттердин тилдик сапатын жакшыртууга усулдук колдоо көрсөтүү.
• Кыргыз тилинин орфографиялык, пунктуациялык жана стилистикалык нормаларын жайылтуу.
• Мамлекеттик тилди өнүктүрүүгө багытталган иш-чараларды (конференция, декламация, тегерек столдор) өткөрүү.

 МЫЙЗАМДЫК НЕГИЗДЕР

Мамлекеттик тил бөлүмүнүн ишмердүүлүгү төмөнкү мыйзамдарга таянат:

1. “Кыргыз Республикасынын мамлекеттик тили жөнүндө” мыйзам (2004-жыл, 2-апрель, №54) Кыргыз тилинин мамлекеттик статусун, мамлекеттик органдарда жана билим берүү мекемелеринде анын милдеттүү колдонулушун белгилей турган негизги документ.
   Ссылка: mamtil.gov.kg → Мамлекеттик тил мыйзамдары
   https://mamtil.gov.kg/ky/post/800;
2. “Кыргыз Республикасынын мамлекеттик тили жөнүндө” Конституциялык мыйзам (2023-жыл) Бул мыйзам мамлекеттик тилди коргоо, колдоо жана өнүктүрүү боюнча укуктук механизмдерди күчөтөт.
   Ссылка: https://mamtil.gov.kg;
3. Билим берүү тармагындагы мамлекеттик тил боюнча нормативдик актылар. ЖОЖдордо мамлекеттик тилди окутуу, документ жүргүзүү жана билим берүү процессинде колдонуу боюнча талаптарды камтыйт.
   Ссылка: edu.gov.kg – Нормативдик укуктук актылар
   https://edu.gov.kg/legislations/102/;
4. Кыргыз Республикасынын Өкмөтү – Типтүү нускама токтому.

Ош технологиялык университетинин мамлекеттик тил бөлүмү мамлекеттик тилдин билим берүү чөйрөсүндөгү ролун бекемдөөгө, кыргыз тилин илимий жана расмий деңгээлде колдонууга шарт түзүүгө, жана университеттик коомчулуктун тил маданиятын көтөрүүгө багытталган комплекстүү ишмердүүлүктү аткарат.