2025-жылдын 2-декабрында Экономика жана башкаруу институтунун Экономика жана каржы кафедрасы Россия Федерациясынын Өкмөтүнүн алдындагы Финансылык университеттин Санкт-Петербург филиалы менен биргеликте “Санариптештирүү доорундагы экономика жана бизнестин глобалдык тенденциялары” аттуу XV Эл аралык илимий-практикалык конференцияны өткөрдү.
Конференциянын “Жашыл экономика: билим берүү, илим жана инновация” аттуу илимий аянтчасы Ош технологиялык университетинин экономика жана каржы кафедрасында уюштурулуп, ага экономика багытындагы магистранттар жана студенттер активдүү катышышты.
Иш-чаранын алкагында 20дан ашуун илимий докладдар окулуп, ар бир баяндамадан кийин катышуучулар арасында суроо-жооп форматындагы талкуулар жүргүзүлдү. Конференция жаш изилдөөчүлөрдүн илимий компетенциясын өстүрүүгө, эл аралык тажрыйба алмашууга жана актуалдуу экономикалык маселелерди бирге талдоого багытталды.
Жыйынтыгында мыкты деп табылган студенттер 2025-жылдын 9–10-декабрында Санкт-Петербург шаарында өткөрүлүүчү эл аралык конференцияга катышуу үчүн жолдомо алышты.
Иш-чара жогорку деңгээлде уюштурулуп, илимий кызматташтыкты кеңейтүүгө жана жаш адистердин потенциалын чыңдоого чоң салым кошту.
