Табигый-гуманитардык илимдер борборунун тарыхы
М.М.Адышев атындагы Ош технологиялык университетинин Окумуштуулар кеңешинин 2024-жылдын 28-июнундагы №9 отурумунун чечими жана ректордун 2024-жылдын 2-июлундагы №09-04/404 буйругу менен табигый-гуманитардык илимдер борбору түзүлгөн. Учурда борборду педагогика илимдеринин доктору, профессор А.Т. Саттарова жетектеп келет.
Борбордун курамына төмөнкү тейлөөчү кафедралар кирет:
- Мамлекеттик жана дүйнөлүк тилдер кафедрасы;
- Коомдук илимдер кафедрасы;
- Так илимдер кафедрасы;
- Дене тарбия кафедрасы.
Борбордун негизги миссиясы:
- Студенттерге жогорку сапаттагы фундаменталдык билим берүүнү камсыз кылуу;
- Окутуучулардын жана студенттердин илимий-изилдөө потенциалын жогорулатуу;
- Коом алдында жоопкерчиликтүү, интеллектуалдык жактан өнүккөн жана эмгек рыногунда атаандаштыкка жөндөмдүү адистерди даярдоо;
- Заманбап билим берүү технологияларын колдонуу аркылуу сапаттуу жана жеткиликтүү билим алууга зарыл шарттарды түзүү.
Табигый-гуманитардык илимдер борборунун стратегиялык багыттары:
Табигый-гуманитардык илимдер борбору өзүнүн стратегиялык ролун төмөнкү багыттар аркылуу ишке ашырат:
- Мамлекеттик жана дүйнөлүк тилдер кафедрасы: Студенттердин тилдик компетенттүүлүгүн жогорулатуу аркылуу алардын академиялык жана кесиптик мүмкүнчүлүктөрүн эл аралык деңгээлде кеңейтүү;
- Коомдук илимдер кафедрасы: Студенттердин аналитикалык ой жүгүртүүсүн өстүрүү, аларда бекем жарандык позицияны калыптандыруу жана коомдук процесстерди терең түшүнүүгө багыт берүү;
- Так илимдер кафедрасы: Инженердик жана техникалык адистиктердин негизи болгон математикалык жана фундаменталдык илимдер боюнча терең билим берүү, техникалык тапшырмаларды чечүүдө илимий базаны түзүү;
- Дене тарбия кафедрасы: Студенттердин ден соолугун чыңдоо, спорт маданиятын калыптандыруу жана инсандын ар тараптуу өнүгүүсүн камсыз кылуу.
Табигый-гуманитардык илимдер борборунун сырткы байланыштары
Табигый-гуманитардык илимдер борбору ата мекендик жана чет өлкөлүк алдыңкы окуу жайлары менен тыгыз илимий-изилдөө жана окуу-методикалык байланыштарды ийгиликтүү жүргүзүп келет. Алардын катарында төмөнкү өнөктөш ЖОЖдор бар:
- К. Карасаев атындагы Бишкек мамлекеттик университети;
- И. Раззаков атындагы Кыргыз мамлекеттик техникалык университети;
- Ж. Баласагын атындагы Кыргыз Улуттук университети;
- И. Арабаев атындагы Кыргыз мамлекеттик университети;
- Л.Н. Гумилев атындагы Евразия Улуттук университетинин табигый илимдер институту (Казакстан);
- Андижан мамлекеттик университети (Өзбекстан);
- Ош мамлекеттик университети;
- Б. Сыдыков атындагы Кыргыз-Өзбек эл аралык университети.
Бул кызматташтыктар тажрыйба алмашуу, биргелешкен илимий долбоорлорду ишке ашыруу жана окутуунун сапатын жогорулатуу максатын көздөйт.
Профессордук-окутуучулук курам
Учурда борбордун окуу-усулдук, илим-изилдөө, тарбия процесси 41 штаттык бирдиктеги профессордук-окутуучулук курам тарабынан ишке ашырылууда. Алардын катарында окумуштуу-педагогдор, тажрыйбалуу окутуучулар жана көмөкчү персоналдар эмгектенишет:
- 3 илимдин доктору, профессор;
- 8 илимдин кандидаты, доцент
- 9 улук окутуучу;
- 21 окутуучу.
Борбордун окутуучулук курамы студенттерге сапаттуу билим берүү жана илимий-изилдөө иштерин жүргүзүү үчүн зарыл болгон жогорку квалификацияга ээ.
Илимий-изилдөө ишмердүүлүгү жана эл аралык кызматташтык
Табигый-гуманитардык илимдер борборунун курамындагы кафедралар актуалдуу маселелер боюнча илимий семинарларды жана конференцияларды тынымсыз уюштуруп келет. Учурда борбор 25тен ашуун чет өлкөлүк билим берүү мекемелери менен тыгыз кызматташып, түрдүү эл аралык программаларга активдүү катышууда. Илимий-изилдөө багыттарынын алкагында борбордун профессордук-окутуучулук курамы, докторанттары, изденүүчүлөрү, аспиранттары, магистранттары студенттер менен биргелешкен илимий изилдөөлөрдү жүргүзүп, маанилүү долбоорлордун үстүндө эмгектенип келишет.
Профессордук-окутуучулук курамдын квалификациясын жогорулатуу жана эл аралык тажрыйба алмашуу багыты
Табигый-гуманитардык илимдер борборунун профессордук-окутуучулук курамынын кесиптик деңгээлин үзгүлтүксүз жогорулатуу — борбордун артыкчылыктуу багыттарынын бири. Окутуучулар заманбап билим берүү стандарттарын өздөштүрүү жана илимий тажрыйба алмашуу максатында алыскы жана жакынкы чет өлкөлөрдүн Түркия, Россия, Казакстан жана Өзбекстандын тажырыйбалуу жогорку окуу жайларында квалификациясын жогорулатып келишкен. Академиялык мобилдүүлүк боюнча профессордук-окутуучулук курам эл аралык форумдарга, симпозиумдарга жана конференцияларга жигердүү катышып, өздөрүнүн илимий изилдөөлөрүнүн жыйынтыктарын эл аралык деңгээлде таанытууда. Санариптик жана инновациялык көндүмдөр аркылуу квалификацияны жогорулатуу курстарынан өтүшүп, дистанттык билим берүү, жасалма интеллектти окуу процессинде колдонуу жана инновациялык педагогикалык методдорду камтуу аркылуу сабактар өтүлөт. Окутуучулар чет өлкөлүк өнөктөштөр менен биргеликте уюштурулган атайын программалардын алкагында эл аралык үлгүдөгү сертификаттарга ээ болуп, бул тажрыйба ОшТУнун окуу процессине ийгиликтүү жайылтылууда.
Табигый-гуманитардык илимдер борборунун профессордук-окутуучулук курамы өз ишмердүүлүгү менен окуу жайдын дүйнөлүк билим берүү мейкиндигине интеграциялануусуна жол ачып, студенттердин заманбап жана атаандаштыкка жөндөмдүү билим алуусуна салым кошуп келет.
Табигый-гуманитардык илимдер борборунун башчысы:
Саттарова Азиза Тешабаевна
Байланыш номери: 0558978877
Электрондук дареги: aziza.sattarova.1965@mail.ru
Илимий даражасы: педагогика илимдеринин доктору, профессор
