Салтанатка ОшТУнун ректору Ж.Ж.Турсунбаев, Өзбекстан Республикасынын санариптик технологиялар министри Ш. Шерматов, Өзбекстан Республикасынын Олий Мажлисинин Мыйзам чыгаруу палатасынын Илим, билим, маданият, спорт жана жаштар иштери боюнча комитетинин төрагасы Н.Жумаев, Индиянын Өзбекстан Республикасындагы Атайын жана Ыйгарым укуктуу элчиси С.Пант, “QS” (Quacquarelli Symonds) агенттигинин глобалдык байланыштар боюнча аймактык директору С.Христолюбов, KOICAнын Өзбекстандагы кеңсесинин директору Ш. Меонг Соп жана башка бир катар чет өлкөлүк окуу жайлардын, илимий мекемелердин, өндүрүштүк ишканалардын жетекчилери, ошондой эле коомдук уюмдардын өкүлдөрү, илим жана билим беруу тармагындагы көрүнүктүү адистер катышты.
ОшТУнун ректору, профессор Ж.Ж.Турсунбаев Өзбекстан Республикасындагы Мухаммад аль-Хорезми атындагы Ташкент маалымат технологиялар университетинин (ТМТУ) 70 жылдык мааракесине арналган иш-чарага катышты. Аталган университет ОшТУнун маалымат технологиялары багытында жакын өнөктөшү болуп саналат.
Эл аралык иш-чаранын алкагында ТМТУнун 70 жылдыгына карата аталган университеттин аймагында “Достук багынын” ачылышы жана көчөт отургузуу аземи болуп өттү.
Иш-чаранын катышуучулары паркка декоративдүү жана мөмөлүү дарактардын көчөттөрүн отургузушуп, сейил бакты улуттар аралык достуктун жана биримдиктин символу катары өзгөчө баалашты.
