Кыргыз Республикасынын Президентинин 2024-жылдын 18-декабрындагы № 369 “Улуттук дем – дүйнөлүк бийиктик” уңгужолу жөнүндөгү жарлыгынын алкагында Ош технологиялык университетинде “Улуттук дем дүйнөлүк бийиктик уңгужолундагы заманбап технологиялардын ролу” деген темада тегерек стол өткөрүлдү.
Тегерек столду ОшТУнун ректору, профессор Жанболот Турсунбаев ачып берди. «Түштүк жергесиндеги технологиялык университет катары биз заманбап илим менен руханий мурастарды айкалыштырып, XXI кылымдын талабына ылайык өзгөчө өнүгүү жолун тандадык. Президенттин ушул жарлыгы бизге — илимпоздорго жана адистерге — улуттук маданияттын бай мурастарын санариптештирүү, жарандык аң-сезимди көтөрө турган инновациялык долбоорлорду ишке ашыруу аркылуу келечек муунга өткөрүп берүү үчүн жаңы мүмкүнчүлүктөрдү ачат. Иш-чарага ийгилик каалайм!” деди окуу жайдын ректору.
Аталган иш-чарага Ош шаарынын мэринин орун басары Аманова Санталат Абдылдаевна, Ош шаарынын мэриясынын долбоорлорду ишке ашыруу бөлүмүнүн башчысы Момунов Сайидии Эсеналиевич, ЖЧК “Белая река”-түштүк регнон боюнча директору Мамыров Н.А., ОшМУнун тарых-юридика институтунун директорунун орун басары, т.и.к., доцент Арстанов С.А., ОшМУнун тарых жана ТОУ кафедрасынын доценти Маразыков Н.К., ЖЧК ОСОО “Алайку Органике ишканасынын директору Шадыжанова Дарыйка, ЖЧК “Keshte” директору Каарова Н.С., окуу жайдын жетекчилиги жана гуманитардык-технологиялык колледжинин коомдук илимдер предметтик-циклдик бирикмесинин окутуучулары катышты.
Иш-чаранын жүрүшүндө төмөндөгүдөй баяндамалар жасалды:
1. ОшТУнун окуу иштери боюнча проректору, проф. Мамытов У.Ж. “Улуттук дем-маданий мурасты сактоо жолу” деген темада;
2. Мамлекеттик тил боюнча проректору п.и.д., профессор Зулпуев А.З. «Манас» улутттук демдин чексиз бийиктиги жана кыргыз философиясынан улуттук идеологияга карай жолу» деген темада;
3.КББТ доценти Машиев М.А. “Салттуу тарбия аркылуу улуттук демди сактан, дүйнөлүк бийиктикке жетүү” деген темада;
4. Ж.К. Ирматова т.и.к., доцент “Көчмөндөр мурасы: Улуттук даамдын даназасы” деген темада;
5.Зикираев М. э.и.к., доцент “Сом-улуттун жүзү” деген темада;
6. Исаева Ж. КДжТ кафедрасынын башчысы “Салбуурун” деген темада;
7. Адиева Г. ПОВТАС кафедрасынын окутуучусу “Киберкоопсуздук жана улуттук кадыр-барк” деген темада;
8.Алишов А. АДжГ кафедрасынын доценттин м.а. “Кыргызстандын этноархитектурасы туризмди өнүктүрүүнүн элементи катары” деген темада;
Жыйында кыргыз элинин маданий жана руханий баалууулуктарын дүйнө жүзүнө кантип таанытуу, улуттук баалуулуктарды сактоо менен глобализация шартында атаандаштыкка туруштук берүү, билим берүү жана инновациялар аркылуу улуттук өнүгүүнү тездетүүнүн эффективдүү ыкмалары жана жаштар арасында улуттук демди көтөрүү үчүн аракеттер боюнча талкуу жүргүзүштү. жыйынтыгында резолюция кабыл алынды.
Тегерек стол гуманитардык-технологиялык колледжинин коомдук илимдер предметтик-циклдик бирикмеси тарабынан жогорку деңгээлде уюштурулуп, өз максатына жетти.
