Эл аралык мамилелер, укук жана билим берүү институтунун максаты компетенттүүлүк мамиле менен билим берүүдө сапаттын кепилдигин камсыздоо аркылуу колдонмо математика жана информатика, компьютердик лингвистика, лингвистика, кесипке окутуу, эл аралык мамилелер, социалдык иш жана укук иштери боюнча Кыргызстандын өнүгүүсүн камсыздоого аракеттенген, интеллектуалдык потенциалы жогору болгон илимий-педагогикалык, социалдык, өндүрүштүк багыттагы кадрларды тарбиялоо жана даярдоо.
ИНСТИТУТТУН ТАРЫХЫ
Институттун түптөлүүсү, алгач 1991-жылы март айында Ош жогорку технологиялык колледжинин курамында инженердик-педагогика факультети болуп уюштурулган. Педагогикалык, гуманитардык багыттагы адистиктерди даярдоо үчүн абитуриенттерди кабыл алуу биринчи жолу 1991-жылы башталган. 1994-жылы сентябрь айында бул факультет “Маалымат-технологиялык” факультети болуп өзгөртүлгөн. 2000-жылы сентябрь айында “Маалымат технологиялар” факультетинин базасында эки факультет уюштурулган:
– “Кибернетика жана информациялык технологиялар” факультети;
– “Фундаменталдык жана кесипке билим берүү” факультети.
Фундаменталдык жана кесипке билим берүү факультети 2003-жылдын 23-декабрында ректордун буйругу менен “Табигый-техникалык” факультети болуп өзгөртүлгөн.
2024-жылдын 2-июлундагы ректордун №09-04/404 буйругунун негизинде Табигый-техникалык факультети Индустриалдык-педагогикалык институту болуп өзгөртүлгөн.
2025-жылдын 07-октябрында Индустриалдык-педагогикалык институту Эл аралык мамилелер, укук жана билим берүү институту болуп өзгөртүлүп аталган.
Институт өзүнүн 34 жылдык тарыхында колдонмо математика жана информатика, кесиптик билим берүү, социалдык иш, эл аралык мамилелер, бизнес башкаруу, юриспруденция, лингвистика, компьютердик лингвистика жаатында 20 миңге жакын адистерди даярдап чыгарган.
ИНСТИТУТ БҮГҮН
Институттун 4 кафедрасында 40тан ашуун кызматкерлер, анын ичинде 3 илимдин доктору, профессор, 13 илимдин кандидаты, доцент, 20 магистрлер эмгектенишет. Кыргызстанда билим берүүнүн сапатын жакшыртуу, региондун социалдык-экономикалык өнүгүүсүнүн ар кандай аспектилери боюнча, өндүрүштүк технологияларды иштеп чыгуу багытында илимий изилдөөлөр менен 4 докторант, 12 аспирант, 10 PhD докторант алектенүүдө. Бүгүнкү күндө институтта 863 студент, 45 магистрант билим алууда. Билим сапатын жогорулатуу жана мыкты адистерди даярдоо максатында иш берүүчүлөр менен, республикадагы жана чет өлкөлүк жогорку окуу жайлар менен ишенимдүү өнөктөштүк байланыштары түзүлгөн жана бекемделүүдө.
ИНСТИТУТ ЖЕТЕКЧИЛИГИ
Институттун директору – техника илимдеринин кандидаты, доцент
Абдалиев Урмат Калмаматович
моб. тел.: +996709 175497, e-mail: abdaliev.u@mail.ru;
ORCID: https://orcid.org/0000-0002-8994-722X
SCOPUS ID: 59013489400
E-library: SPIN-код: 1136-8304, Author ID: 896758.
Директордун окуу жана тарбия иштери боюнча орун басары – Алимжан кызы Жаркынгул
моб. тел.: +996(772) 706 957, e-mail: jarkynsuiunova@gmail.com;
Директордун илимий иштери боюнча орун басары – Алиева Роза
моб. тел.: +996(700) 985 518, e-mail: roza.a76@mail.ru;
Кесиптик кошундун төрайымы – Сапарова Самара
моб. тел.: +996(773) 186 618, e-mail: Samash-85@mail.ru;
Институттун усулдук комиссиясынын төрагасы – Машиев М.А.
моб.тел.: +996(777)000764;
Методист – Мавлянова Аида Заирбековна
моб. тел.: 0772 158 981, E-mail: princess370@yandex.ru.
Институттун окумуштуулар кеңешинин курамы институтун профессордук-окутуучулук курамынан шайланган 15 мүчөдөн турат. ЭМУжББИнин окумуштуу кеңешинин төрагасы – Абдалиев Урмат Калмаматович, катчысы – Мадалиева Жазгүл Нышаналиевна.
БИЛИМ БЕРҮҮ ПРОГРАММАЛАРЫ (БАКАЛАВРИАТ):
- 510200 Колдонмо математика жана информатика
– Колдонмо математика жана информатика профили (күндүзгү жана сырттан окуу формалары);
- 550800 Кесиптик билим берүү
– Маалыматтык технологиялар;
– Психология профилдери (күндүзгү жана сырттан окуу формалары);
- 050709 Педагогика
– Педагогика жана башталгыч билим берүүнүн усулу профили (күндүзгү окуу формасы);
- 531100 Лингвистика
– Котормо жана котормо таануу профили (күндүзгү окуу формасы);
- 710600 Компьютердик лингвистика
– Маданият аралык коммуникация жана автоматташтырылган котормо системалары профили (күндүзгү окуу формасы);
- 540200Социалдык иш
– Социалдык иш профили (күндүзгү жана сырттан окуу формалары);
- 530800 Эл аралык мамилелер
– Эл аралык мамилелер профили (күндүзгү жана сырттан окуу формалары);
- 580700 Бизнес башкаруу
– Эл аралык бизнес,
– Программаларды жана долбоорлорду башкаруу профилдери (күндүзгү жана сырттан окуу формалары);
- 530500 Юриспруденция
– Ишкердик укук профили (күндүзгү окуу формасы).
БИЛИМ БЕРҮҮ ПРОГРАММАЛАРЫ (МАГИСТРАТУРА):
- 510200 Колдонмо математика жана информатика
– Колдонмо математика жана информатика профили (күндүзгү окуу формасы);
- 550800 Кесиптик билим берүү
– Маалыматтык технологиялар;
– Психология профилдери (күндүзгү окуу формалары);
- 540200 Социалдык иш
– Социалдык иш профили (күндүзгү окуу формасы);
АСПИРАНТУРА
- 00.02 – Окутуунун жана тарбиялоонун теориясы менен методикасы (педагогика) адистиги (күндүзгү жана сырттан окуу формалары);
- 01.02 – Дифференциалдык теңдемелер, динамикалык системалар жана оптималдуу башкаруу(күндүзгү жана сырттан окуу формалары).
ИНСТИТУТТУН КАФЕДРАЛАРЫ
Колдонмо математика жана информатика кафедрасы 510200 Колдонмо математика жана информатика багыты боюнча бакалаврларды даярдайт. Кафедра башчысы – физика-математика илимдеринин кандидаты, доцент Кутунаев Жолчубек Насырымбекович.
Кесипке билим берүүнүн технологиясы кафедрасы 550800 Кесиптик билим берүү багытынын Маалыматтык технологиялар, Психология профилдери боюнча бакалаврларды жана магистрлерди, 550709 Педагогика багытынын Педагогика жана башталгыч билим берүүнүн усулу профили боюнча бакалаврларды даярдайт. Кафедра башчысы – педагогика илимдеринин кандидаты, доцент Бердибекова Сырга Каныбековна.
Компьютердик лингвистика кафедрасы 531100 лингвистика багытынын котормо жана котормо таануу профили боюнча бакалаврларды, 710600 компьютердик лингвистика багытынын маданият аралык коммуникация жана автоматташтырылган котормо системалары профили боюнча бакалаврларды даярдайт. Кафедра башчысы – магистр, ОшТУнун доценти Шерматова Айжаңыл Митаевна.
Бизнести башкаруу жана социалдык иштер кафедрасы 540200 Социалдык иш багытынын социалдык иш профили боюнча бакалаврларды жана магистрлерди, 530800 эл аралык мамилелер багытынын эл аралык мамилелер профили боюнча бакалаврларды, 580700 бизнес башкаруу багытынын эл аралык бизнес, программаларды жана долбоорлорду башкаруу профилдери боюнча бакалаврларды, 530500 юриспруденция багытынын ишкердик укук профили боюнча бакалаврларды даярдайт.Кафедра башчысы – философия илимдеринин доктору, профессор Кедейбаева Жамал Арстаналыевна.
ИНСТИТУТТУН ТЫШКЫ БАЙЛАНЫШТАРЫ
Институт бүгүнкү күндө республикабыздагы жана чет өлкөлөрдөгү жогорку окуу жайлар жана илим-изилдөө мекемелери менен алака түзүп, илим-изилдөө, окуу-усулдук жана тажрыйба алмашуу жааттарда активдүү кызматташууда. Өнөктөштөр тууралуу кененирээк маалымат төмөнкү шилтемеде берилди:
