Индустриалдык-педагогикалык институт (ИПИ)

Директордун саламы:

Урматтуу достор, замандаштар,

Заманбап дүйнөдө инженер эң көп талап кылынган кесиптердин бири. Себеби алар жаңы технологияларды, продукцияны ойлоп табууга, эксплуатациялоого, тейлөөгө байланыштуу иштеп чыгууларга катышышат.

Силер “каалаган нерселериңер” боюнча өзүңөргө төмөнкү суроолорду бергиле:

• Көйгөйлөрдү чечкенди жактырасыңбы?
• Математиканы жана илимди жактырасыңбы?
• Иштин жаңы жолдору жөнүндө ойлонгуң келеби?
• Баш катырмаларды жана башка акылга сыярлык оюндарды жактырасыңбы?
• Компьютерлер менен иштегенди жактырасыңбы?
• Кыйынчылыктар жаралабы?

“Дүйнөгө болгон көз караш” боюнча өзүңөргө төмөнкү суроолорду бергиле:

• Дүйнөдө өзгөрүүлөрдү жасагың келеби?
• Биздин дүйнөдө болуп жаткан кыйынчылыктарга кызыгасыңбы?
• Адамдарга жардам берип, алардын жашоосун жакшыртууну каалайсыңбы?
• Иштин кандай жүрүп жаткандыгына таң калдыңбы?

Эгерде ушул суроолордун бир нечесине же андан көбүнө оң жооп берсеңер, анда силер инженердик кесипти жактырасыңар, кызыгасыңар, бул кесиптин ээси болуп адамдардын жашоосун жакшыртып, дүйнөдө өзгөрүүлөрдү жараткан көйгөйлөрдү чече аласыңар.

Ош технологиялык университетинин индустриалдык-педагогикалык институту заманбап дүйнөдөгү эң прогрессивдүү багыттар боюнча инженерлерди жана педагогдорду даярдаган университеттин базалык институттарынын бири. Алар: компьютердик лингвистика, лингвистика, кесипке окутуу, колдонмо математика жана информатика, интерьер жана жабдуулар.

Институтубуздун окуу программасы алдыңкы дүйнөлүк тажрыйбаны жана адистештирилген тармактардын өндүрүш ишканаларынын каалоолорун жана муктаждыктарын эске алуу менен түзүлгөн. Студенттер үчүн дүйнөнүн алдыңкы университеттери менен алмашуу программалары иштелип чыккан. Институтта тажрыйбалуу окутуучулар, дүйнөгө таанымал окумуштуулар талыкпай эмгектенишет.

Институтубуз билим жана практикалык көндүмдөрдү алууга мүмкүндүк берүүчү заманбап лабораториялар менен жабдылган.

Студенттерибиз активдүү, демилгелүү жана чыгармачыл. Биз бүтүрүүчүлөрүбүз менен сыймыктанабыз. Алар азыр мамлекетибиздин, кошуна өлкөлөрдүн ири компанияларында маанилүү кызматтарды ийгиликтүү ээлеп, өлкөбүздүн өнүгүшүнө чоң салымдарын кошуп жатышат.

Университетибизде студенттер сапаттуу билим алуудан тышкары, университеттин жигердүү коомдук жашоосуна аралашып, эл аралык конференцияларга катышып, студенттик ийримдерди, көргөзмөлөрдү уюштурушуп активдүү коомдук жашоо сүрүшөт.

Эгерде сиз жаңы технологияларды жаратууну жана дүйнөнү жакшыртканды жакшы көрсөңүз, биздин институттун бир бөлүгү болуңуз, өзүңүздү билимге каныктырып, дүйнөнү багындырыңыз.

Ишиңерге, окууңарга ийгиликтерди, өзүңөргө ак жол каалоо менен,

Индустриалдык-педагогикалык институтунун директору т.и.к., доцент Абдалиев Урмат Калмаматович

Институттун аталышы: Индустриалдык-педагогикалык институту.

Институттун тарыхы: Индустриалдык-педагогикалык институту ректордун 2024–жылдын 02-июлундагы №09-04/404 буйругунун негизинде түзүлгөн. Институт инженердик жана педагогикалык багыттар боюнча эмгек рыногунун учурдагы талаптарына жооп берген жогорку билимдүү адистерди даярдайт. Азыркы мезгилде институтта 30дан ашык профессордук-окутуучулук курам, алардын ичинде 3 илимдин доктору, 6 илимдин кандидаттары, доценттер эмгектенет. Институтта 582 студент окуп жатышат, алардын ичинен 287 студент күндүзгү бөлүмдө, 295 студент сырттан окуу бөлүмүндө окуйт. Бюджеттик негизде 148 студент, контрактык негизде 434 студент билим алууда. Бүгүнкү күндө институт материалдык-техникалык базаны чыңдоо, окутуунун сапатын жогорулатуунун жаңы технологияларын ишке киргизүү, окутуучулардын сапаттык курамын жогорулатуу, илимий-изилдөө иштеринин практикалык колдонулушуна жетишүү, студенттердин ишмердүүлүгү негизинде өндүрүш уюштуруу үчүн аракеттенип, учурдун талабына ылайык адистерди компетенттүүлүк мамиле менен даярдоо максатында «Элибиз үчүн, жерибиз үчүн күйүп-жанып ак дилден иштейбиз!» деген ураан астында үзүрлүү эмгектенүүдө. Институттун заманбап лабораториялык базасында жаңы билим жана технологияларды өздөштүргөн бүтүрүүчүлөрү келечекте коомдун экономикалык жана социалдык өнүгүүсүнө салым кошо алышат. Азыркы убакта Индустриалдык-педагогикалык институту Ош технологиялык университетинин эң алдыңкы институттарынын бири.

Окутуунун максаты: Компетенттүүлүк мамиле менен билим берүүдө сапаттын кепилдигин камсыздоо аркылуу колдонмо математика жана информатика, компьютердик лингвистика, лингвистика, кесипке окутуу, интерьер жана жабдуулар боюнча Кыргызстандын өнүгүүсүн камсыздоого аракеттенген, интеллектуалдык потенциалы жогору болгон илимий-педагогикалык-өндүрүштүк кадрларды тарбиялоо жана даярдоо.

Жетишкендиктери: 2024-жылдын август айынан баштап индустриалдык-педагогикалык институтунун директору болуп т.и.к., доцент Абдалиев Урмат Калмаматович ийгиликтүү иштеп келе жатат. Институтта 3 кафедрада 1 специалист, 4 бакалавриат багытынын 5 профили, 2 магистратура программасы боюнча кадрларды даярдап, замандын талабына ылайык жогорку квалификациялуу адистерди чыгарууда жана бардык багыттарды Эл аралык НААР көз карандысыз аккредитациялык агенттигинен ийгиликтүү өткөрүп, сертификаттарын 5 жылга алууга жетишти. Ректордун колдоосу менен ар бир кафедра окутууда колдонулуучу илимий-техникалык базаларын заманбап абалга жеткире алышты. Академиялык мобилдүүлүк жакшы жолго коюлуп, студенттер кошуна мамлекеттерге барып өз билимдерин жогорулатып келишүүдө.

 Сыймыктуу бүтүрүүчүлөр:

Индустриалдык-педагогикалык институтун (баштапкы Табигый–техникалык факультетин) бүтүргөн сыймыктануучу бүтүрүүчүлөрүбүз арбын. Алардын кээ бирлерин атап кетсек:

1. Жээнбеков Ж.А. – Ош жана Жалал-Абад шаарларын калыбына келтирүү башкармалыгынын башчысы;
2. Алимбеков Давлет – Өзгөчө кырдаалдар министрлигинин орун басары;
3. Райымбаев Ч. – э.и.д. профессор, Эл аралык КӨУнин экс ректору;
4. Чынгараев С. – Улуттук коопсуздук Комитетинин кызматкери;
5. Кенешов У. -Баткен бажысынын башчысынын орун басары;
6. Жаркынбаев К.- Шаардык салык инспекциянын башчысынын орун басары;
7. Козуев Н.- Ноокат районунун «Кок-Жар» орто мектебинин директору;
8. Жоробаев Ж.- Каракулжа райондук ички иштер бөлүмүнүн башчысы;
9. Кимсанова Г. –Жалал-Абад санаториясынын директорунун орун басары;
10. Исмаилова А. – социалдык фонддун башкы специалисти;
11. Абдраимов С.- Кызыл-Кыядагы УКПнын директорунун орун басары;
    ж.б.

Багыттары:

Институтта даярдалуучу багыттар:                  

Институтта 3 кафедра бар:

 Тажрыйба алмашуу:

Индустриалдык-педагогикалык институтунун педагогика багытындагы студенттери Ош шаарындагы мектептерге, ал эми инженердик багыттагы студенттери “Жылуулук камсыздоо”, ТЭЦ, Кыргыз унаа курулуш, Ош шаардык муниципиалдык автотранспорт ишканасы сыяктуу ишканаларга практикаларга чыгышып теориялык билимдерин практика менен айкалыштырып, өз билимдерин жогорулатышып, тажрыйбаларын арттырышууда.

М. Адышев атындагы Ош технологиялык университетинин Индустриалдык-педагогикалык институтунда студенттерди максаттуулукка жана кесипкөйлүккө үндөө, ийгиликке жетүүгө шыктандыруу, мотивация берүү, тажрыйба арттыруу максатында бир топ иштер уюштурулган жана жакшы жолго коюлган. Индустриалдык-педагогикалык институту Кытай эл Республикасынын, Корея республикасынын бир катар институттары, Өзбекстандын Андижан машина куруу институту, Фаргона, Наманган инженердик-технологиялык институттары, Наманган инженердик-курулуш институту менен тажрыйба алмашуу багытында келишимдерди, меморандумдарды түзүп,   окутуучулар конок лекцияларды өтүп, студенттер академиялык мобилдүүлүк боюнча сабактарына катышып өз билимдерин жогорулатышууда.

Университетибиздин Казакстан, Өзбекстан, Россия, Европа, Кытай, Америка, Корея, Түркия ж.б. өлкөлөрүндөгү кээ бир университеттер менен эки тараптуу келишимдери бар. «Мевляна», «Эрасмус» программалары боюнча студенттерди жана окутуучуларды алмашуу, академиялык мобилдүүлүк  программаларын ишке ашыруу жакшы жолго коюлган. Бул сыяктуу программалар институтубуздагы студенттерге жана окутуучуларга 1-2 семестрдин ичинде ар түрдүү университеттерде окуусун улантып, тажрыйбасы менен бөлүшүүгө мүмкүндүк берет.

Институттун курамы жана байланыш

Абдалиев Урмат Калмаматович – Индустриалдык-педагогикалык институтунун директору, техникалык илимдердин кандидаты, доцент.
Моб. тел.: 0709 175497,
E-mail: abdaliev.u@mail.ru;

Айдарали кызы Анзирет – директордун окуу иштери боюнча орун басары, окутуучу. Моб. тел.: 0707 301 199, E-mail:
anziretajdaralieva@gmail.com;

Астанова Миргул Халиковна – директордун тарбиялык иштери боюнча орун басары, улук окутуучу.
Моб. тел.: 0556 850 205,
E-mail: m.k.astanova@gmail.com;

Алиева Роза Абдусабировна – директордун илимий иштери боюнча орун басары, ОшТУнун доценти.
Моб. тел.: +996(700) 985 518,
E-mail: roza.a76@mail.ru

Сапарова Самара Алимжановна – кесиптик кошундун төрагасы, окутуучу.
Моб. тел.: +996(773) 186 618,
E-mail: Samash-85@mail.ru

Машиев Медер Айтмаматович – Усулдук кеңештин төрагасы, – “КББТ” кафедрасынын доценти.
Моб.тел.: +996(777)000764,;

Мавлянова Аида Заирбековна – күндүзгү окуу  бөлүмү боюнча  методист.
моб. тел.: 0772 158 981,
E-mail: princess37@yandex.ru;

Жоробекова Мэри Самидиновна – сырттан окуу  бөлүмү боюнча  методист.
Моб. тел.: 0990 580 005,
E-mail: merisamidinova@mail.ru;

14018, Кыргыз Республикасы, Ош ш., Исанов к. 81, корпус 2, кабинет 105.
Раб.тел.: 3222 60 49; моб. тел. 0709 175 497,
E-mail: abdaliev.u@mail.ru