Өзгөн институтунда ата-энелердин жыйынтыктоочу конференциясы болуп өттү

Бүгүн ОшТУнун академик Б.Мурзубраимов атын. Өзгөн технологиялык жана билим берүү институтунда окуу жылдын жыйынтыгын чыгаруусуна арналган ата-энелердин жыйынтыктоочу конференциясы болуп, институттун администрациясы жасалып жаткан иштер жана алдыдагы милдеттер туурасында отчетун угузду.

Мурдагы конференция 2020-жылдын октябрь айында онлайн форматында болгон болсо, бул жолу офлайн абалда болду.

Конференцияга тайпалардын ата-энелеринин жыйыны тарабынан сунуш кылынган 102 делегат катышып, окуу процессине жаңы табылгаларды киргизүү, окуу планынын тандоо бөлүгүнө информатика сабактарына жана чет тилдерге (орус, англис тилдерине) көбүрөөк сааттарды берүү жөнүндө сунуш пикирлерин калтырышты.

Ата-энелер окуу жайдын профессордук-окутуучулар курамынын жүргүзүп жаткан иштерине ыраазычылыктарын билдиришти.

Ата-энелер комитетинин курамы кошумчалоолор менен кайрадан бекитилди.