ОшТУда 12-апрель Космонавтика күнү белгиленди

Ош технологиялык университетинде 12-апрель космонавтика күнүнө карата “Космостук изилдөөлөр – адамзат цивилизациясынын келечеги” аттуу  илимий-практикалык конференция өткөрүлдү. Аталган иш-чара окуу жайдын «Физика жана энергетикалык машина куруу» кафедрасынын эмгек жамааты тарабынан уюштурулуп, Кыргыз республикасынын Улуттук илимдер академиясынын түштүк бөлүмүнө караштуу А.С.Джаманбаев атындагы Жаратылыш байлыктары институтунун өкүлдөрү, университеттин жетекчилиги, окутуучулар жана студенттер катышып, анын жүрүшүндө илимий баяндамалар жана учурдагы ачылыштар тууралуу маалыматтар айтылды. Жаратылыш байлыктары институтунун директорунун милдетин аткаруучу, техника илимдеринин кандидаты Абдалиев Урмат Калмаматович баяндама жасады. Жыйынтыгында активдүү катышуучуларга жана мыкты илимий баяндама жасаган студенттерге баалуу белектер берилди.